Салгыы
Ил Дархан Уол оҕо күнүнэн эҕэрдэтэ

Ил Дархан Уол оҕо күнүнэн эҕэрдэтэ

09.04.2023, 10:30
Хаартыска sakha.gov.ru ылылынна
Бөлөххө киир:

Ил Дархан Айсен Николаев Саха Өрөспүүбүлүкэтигэр Уол оҕо күнүнэн эҕэрдэлээтэ.

«Күндү Саха сирин олохтоохторо! Саха Өрөспүүбүлүкэтин салалтатын уонна тус бэйэм ааппыттан эһигини Саха Өрөспүүбүлүкэтигэр Уол оҕо күнүнэн эҕэрдэлиибин.
Бүгүн биһиги дьикти үчүгэй бырааһынньыгы бэлиэтиибит. Бу күн «Арассыыйа ийэлэрэ» Бүтүн Арассыыйатааҕы уопсастыбаннай хамсааһын Саха сиринээҕи отделениетын көҕүлээһинэн олохтоммута уонна дьиҥнээх эр киһини иитии, аҕаттан уолга бэриллэр утумнааһын суолтатын тоһоҕолоон бэлиэтиир. Иллээх-эйэлээх дьиэ кэргэн уонна оҕолорго таптал -– улахан дьол. Биһиги өрөспүүбүлүкэбит оҕо төрөөһүнүгэр Уһук Илиҥҥэ уонна дойдуга инники кэккэҕэ сылдьар. 2023 сыл саҕаланыаҕыттан өрөспүүбүлүкэҕэ 2 663 оҕо төрөөтө, кинилэртэн 1 360 — инникитин аҕа буолуохтаах уолаттар. Кинилэр -– биһиги уопсастыбабыт сүрүн күүһэ уонна харыстааччылара, Саха сирин инники кэскилин оҥорооччулар. Уол оҕону эппиэтинэстээх, сыалы-соругу толорорго дьулуурдаах уонна дойдуга бэриниилээх буоларга иитии үксүгэр төрөппүттэртэн тутулуктааҕын өйдүүрбүт суолталаах. Төрөппүттэр бэйэлэрин холобурдарынан дьиҥнээх эр киһини, аҕа буолуохтаах киһини иитэн таһаараллар. Ол эрэ кэнниттэн кинилэргэ уопсастыба көмөлөһөр. Эр дьон бары -– дьиэ кэргэн уолаттара. Кинилэр амарах ийэлэр уонна күүстээх санаалаах аҕалар тапталлаах оҕолоро эрэ буолбакка, дойду эрэллээх уолаттара буолалларын олох дьиҥэ көрдөрдө. Билигин биһиги дойдубут устуоруйа улахан тургутууларын ааһар. Билигин буола турар анал эпэрээссийэ -– дойдубут инникитин туһугар охсуһуу. Бу охсуһууга кыайыы -– биһиги өбүгэлэрбитигэр иэспит уонна кэлэр көлүөнэҕэ эбээһинэспит. Дойду көмүскэлигэр саа-саадах туппут эр дьоммут, уолаттарбыт көмөлөрүнэн биһиги барытын тулуйуохпут уонна кыайыахпыт. Саха сирэ байыаннай эпэрээссийэ кэмигэр дойду интэриэһин көмүскүү сылдьар уолаттардаах дьиэ кэргэттэри уонна төрөппүттэри куруук өйүүр уонна өйүөҕэ.
Ураты болҕомто байыаннай сулууспалаахтар оҕолорун өйөбүлүгэр ууруллар. Саха сиригэр Уол оҕо күнүн иннинэ Таатта улууһун Туора Күөл сэлиэнньэтигэр аҕалар уонна оҕолор «Аҕа күрэҕэ-2023» диэн өрөспүүбүлүкэтээҕи 23-с күрэхтэһиилэрэ буолан ааста. Күрэхтэһиилэргэ өрөспүүбүлүкэ 16 улууһуттан 18 хамаанда кытынна. Кыайыылаахтарга Ил Дархан 300 тыһыынча солкуобай суумалаах бириэмийэтэ туттарылынна. Билигин Саха сирин дьоно бу дьиэ кэргэн бырааһынньыгын саамай истиҥ уонна дьоллоох өйдөбүнньүк хааларын курдук атааралларыгар эрэллээхпин. Эһиэхэ доруобуйаны, этэҥҥэ буолууну уонна улахан тапталы баҕарабын. Бары уол оҕолорго эйэлээх олоҕу, инники кэскили».

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
24 июня
  • 27°C
  • Ощущается: 27°Влажность: 34% Скорость ветра: 5 м/с

Сообщить об опечатке

Текст, который будет отправлен нашим редакторам: