Андрей Сорокин, СИА
Ил Дархан Айсен Николаев кулун тутар 4 күнүгэр Жатайга судоверфь уонна социальнай эбийиэктэр тутууларын бэрэбиэркэлээтэ.
“Сүрүннээн тутууларга үлэ былаан чэрчитинэн бара турар, ол эрэн судоверфь тутуута кыра хойутааһыннаах. Жатайга тутуллар судоверфь бастакы түһүмэҕэ быйыл түмүктэниэхтээх. Бу тутуу сезонугар Уһук Илин эрэгийиэнигэр сүдү суолталаах судоверфь былааннаммыт үлэтэ хайаан даҕаны түмүктэниэхтээх”, — диэн эттэ Айсен Николаев.
«Жатайская судоверфь» акционернай хампаанньа генеральнай дириэктэрэ Петр Никул дакылааттыырынан, эбийиэк бүгүҥҥү туругунан 65% бэлэм. Судоверфь сүрүн дьиэтин тутуу түмүктэммит, билигин куорпустары оҥорор блок тутулла турар. Административнай уонна олорор дьиэлэргэ ис өттүн ситэрии үлэлэрэ саҕаламмыттар, от ыйыгар бу үлэ түмүктэнэн, аналлаах тиэхиньикэ таҥыллан барыахтаах.
Үбүлээһин Саха сириттэн уонна федеральнай бүддьүөттэн толору киирбит. Хантараактары толорууну бэйэтин хонтуруолугар ыларын туһугар, Саха сиригэр «Жатайская судоверфь» АХ аахсыйалара өрөспүүбүлүкэ бас билиитигэр бэриллибиттэр.
2036 сылга диэри саҥа судоверфь стапелларыттан 130 өрүс аала ууга түһэрэ күүтүллэр. Саҥа судоверфь сыллата 10 устар аалы таһаарар кыахтаах буолуоҕа. Ону кытта бу тэрилтэҕэ аал өрөмүөнүн ыытыахтара. Эрэгийиэҥҥэ Жатайдааҕы судоверфь курдук оҥорор тэрилтэ билигин суох.
Андрей Сорокин хаартыската, СИА
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…