Илии баттааһынын хомуйар пууннар уһун өрөбүллэргэ эмиэ үлэлиэхтэрэ
![](https://sakha-sire.ru/wp-content/uploads/2023/12/bd480abb-9ae5-42d7-ba1a-0ab16ddb3d63-1060x596.jpg)
Илии баттааһынын хомуйар пууннарга Владимир Путины өйүөн баҕалаах дьон уочараттара үөскээтэ. Куорат олохтоохторо бэйэлэрин гражданскай позицияларын маассабайдык биллэрэн эрэллэр.
![](https://sakha-sire.ru/wp-content/uploads/2023/12/4369234f-6716-4dda-b5f2-053bcc39140e.jpg)
— Мин бэлиитик буолбатахпын, боростуой үлэһиппин. Дойдуга туох уларыйыы буоларын көрө сылдьабын. Онон бэрэсидьиэн дуоһунаһыгар киниттэн ураты атын киһини көрбөппүн, — диэн бойобуой дьайыы бэтэрээнэ Николай Николаев этэр.
Владимир Путины өйүү Арассыыйа Дьоруойа Александр Колесов кэлбитэ. Кини былырыын бэрэсидьиэн илиититтэн Дьоруой сулуһун ылан турар. Александр Колесов Владимир Путины «аныгы кэм улуу бэлиитиктэриттэн биирдэстэрэ» диэн ааттыыр.
Владимир Путины өйөөн, Дьокуускайга Ленин проспегын 16-гар «Столица» дьыалабыай киин бастакы этээһигэр баар илии баттааһынын хомуйар кииҥҥэ тиийиэххитин сөп. Пууну «Общероссийский народный фронт» салаата арыйда. Үлэлиир чааһа: сарсыарда 10 чаастан киэһэ 8-ка диэри.
Маны тэҥэ, Дьокуускайга мобильнай пууннар уонна волонтердар үс атыы-эргиэн дьиэтигэр үлэлииллэр: «Туймаада», «Ураса-Молл», «СахаЭкспоЦентр» кииннэргэ. Саҥа дьыл кэнниттэн да бу пууннар бары үлэлиэхтэрэ. Ахсынньы 31, тохсунньу 1-2 күннэригэр эрэ өрүөхтэрэ.
Ил Дархан, бырабыыталыстыба дьаһалтатын пресс-сулууспата
Сообщить об опечатке
Текст, который будет отправлен нашим редакторам: