Дьокуускайга А.Е.Кулаковскай аатынан норуоттар доҕордоһууларын дьиэтигэр бүгүҥҥүттэн, олунньу 28 күнүттэн кулун тутар 1 күнүгэр диэри «Импульс-2023» ыччат пуорума саҕаланна.
Бу Арассыыйаҕа Педагог уонна уһуйааччы, Саха Өрөспүүбүлүкэтигэр Үлэ сылын иитинэн ыытыллар. Пуорум сыала — ыччат профессиональнай, айар дьоҕуругар, кыаҕыгар көмөлөһүү, тирэх буолуу, дойдуга бэриниилээх буолууну уонна ыччат көҕүлээһинин суолтатын күүһүрдүү. Быйылгы сылга тэрээһин тиэмэтинэн «Волонтеры туризма и гостеприимства в Якутии» хамсааһыны сайыннарыы буолла.
СӨ Предпринимательствоҕа, эргиэҥҥэ уонна туризмҥа министиэристибэтин туризм индустриятын отделын сүрүн исписэлииһэ Степанида Оконешникова бэлиэтээбитинэн, Ил Дархан Айсен Николаев Анал этиитигэр ыалдьыттары көрсүүгэ биир кэлим ыстандаарты киллэрэргэ, предпринимателлэргэ үөрэтиини киэҥник тарҕатарга сорук туруорбута. Пуорум иитинэн туризм эйгэтин сайыннарарга саҥа сүүрээннэри, толкуйдары, этиилэри киллэриэхтэрэ.
Тэрээһин кыттыылаахтара туризмы сайыннарыы уонна ыалдьыттары көрсүү боппуруостарын дьүүллэһиэхтэрэ. Уһуйааччылар уонна эспиэрдэр кинилэргэ бэйэлэрин бырайыактарын оҥороллоругар уонна граҥҥа куонкурустарга сайаапканы толорууга такайыахтара, үөрэтиэхтэрэ. Пуорум кэмигэр олох уустуктарыгар түбэспит дьоҥҥо, дьиэ кэргэттэргэ гуманитарнай көмөнү оҥоруу аахсыйата ыытыллыа.
Бочуоттаах ыалдьыттарынан уонна эспиэрдэринэн «Волонтеры гостеприимства» хамсааһын салайааччыта, «Креативный кластер» АНО дириэктэрэ Елена Козак, сэртипикээттээх тириэньэр, «Успешное мышление» бырайыагы төрүттээччи уонна салайааччы Павел Вербняк буолаллар.
Пуорум партнердара — Саха сиригэр туризмы сайыннарыы ааҕыныстыбата, СӨ Атыы-эргиэн бырамыысыланнай балаатата, СӨ ыалдьыты көрсүү ассоциацията, «Креативный кластер» АНО хамаандалары уонна бырайыактары сайыннарыы киинэ (Санкт-Петербург), уо.д.а. кытталлар.
СӨ Ил Дарханын уонна Бырабыыталыстыбатын пресс-сулууспата
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…