Николаев-кииҥҥэ үөрүүлээх быһыыга-майгыга «Творец национальной кухни земли Олонхо» диэн экспозицияны аатырбыт асчыт Иннокентий Тарбахов 80 cааһыгар ситимнээн арыйдылар.
Ол курдук, экспозиция саха национальнай аһын-үөлүн сөргүтээччи, СӨ бочуоттаах олохтооҕо Иннокентий Тарбахов 80 сааһыгар ананна. Кини сааһын тухары хотугу сир норуоттарын аһын-үөлүн сөргүтүүнэн дьарыктаммыта. Бу үөрүүлээх тэрээһиҥҥэ ыалдьыттары уонна кыттааччылары СӨ бырабыыталыстыбатын бэрэссэдээтэлин солбуйааччы Сергей Местников эҕэрдэлээтэ. Иннокентий Тарбахов кэлэр көлүөнэҕэ төрүт үгэһи үйэтитии уонна сайыннарыы суолталаах үлэтин бэлиэтээтэ.
Николаев-киин салайааччыта Юрий Семенов бэлиэтииринэн, экспозицияны арыйыы бастакы бэрэсидьиэн Михаил Николаев өссө биир кэс тыла буоларын бэлиэтээтэ. Михаил Николаев уонна Иннокентий Тарбахов истиҥ доҕордуу буолалларын сырдатта. Оччолорго Михаил Николаев тыа хаһаайыстыбатын миниистирэ буола олорон Иннокентий Тарбахов талаанын таба көрөн Дьокуускайга үлэҕэ ыҥырбыт.
Иннокентий Тарбахов кэргэнэ Антонина Тарбахова иһитиннэрбитинэн, кэргэнэ эдэр сааһыттан национальнай куукуна ырысыаптарын мунньарын, хоту сир олохтоохторо аһы-үөлү хайдах хаһааналларын, оҥорон астаан таһааралларын үөрэппит. Кини Николаев-кииҥҥэ болҕомтолорун иһин махтанан туран киин салаайаччыта Юрий Семеновка «Иннокентий Тарбахов 80 сааһа» бэлиэни туттарда. Манна турбут бастайааннай экспозиция Иннокентий Тарбахов олоҕун, үлэтин-хамнаһын туоһулуур. Ону сэргэ, асчыт киһи туттар мала-сала, шеф-пуобар астыырыгар туттар тэриллэрэ бааллар. Бу экспозицияҕа көрөөччүлэр Кремль бэлэҕэ буолбут ураты иһиттэри көрүөхтэрин сөп.
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…