Хаартыска: minobrnauki.sakha.gov.ru
Саха Өрөспүүбүлүкэтэ төрүттэммит күнүн көрсө Үөрэх уонна билим миниистирэ Ирина Любимова, Дьокуускай куорат “Айыы Кыһата” национальнай гимназия 9-с кылааһын үөрэнээччилэригэр сахалыы тылынан “Дьоһуннааҕы кэпсэтии” уруок таһынан дьарыгы ыытта.
Уруок тиэмэтэ – “Саха Өрөспүүбүлүкэтин күнэ”. Ирина Павловна үөрэнээччилэргэ Саха АССР төрүттэммит устуоруйатын, өрөспүүбүлүкэбит сайдыытыгар улахан кылааттарын киллэрбит биллэр-көстөр судаарыстыбаннай уонна бэлитиичэскэй диэйэтэллэр туһунан кэпсээтэ. Төрөөбүт тылбытын умнуо суохтаахпытын бэлиэтээтэ.
«Хас биирдии норуот бэйэтин төрөөбүт тылын билиэхтээх, ийэ тылынан саҥарыахтаах. Араас төрүөтүнэн төрөөбүт тылын билбэт киhи билэргэ, саҥарарга туруулаһыахтаах, оччоҕо эрэ норуот быhыытынан кэскиллээх буолабыт», — диэн миниистир бэлиэтээн эттэ.
Салгыы оҕолору кытта ханнык идэлэри талыахха сөбүн кэпсэттэ, идэлэр туһунан билиһиннэрдэ, идэлэрин тала илик оҕолор быһаарыналлара булгуччулааҕын бэлиэтээтэ.
Уруок бүтүүтэ Ирина Павловна кылаас оҕолоругар Саха АССР төрүттэммитэ 100 сылыгар анаан тахсыбыт кинигэни уонна өрөспүүбүлүкэ каартатын бэлэхтээтэ.
СӨ Үөрэҕин уонна билимин министиэристибэтин пресс-сулууспата.
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…