Иркутскай уобалаһын олохтоохторо түөкүннээһиҥҥэ буруйданан тутулуннулар

Саха сиригэр ИДьМ үлэһиттэрэ Иркутскай уобалас 33 уонна 36 саастаах икки олохтоохторун тутан аҕаллылар. Кинилэр үрдүк барыһы ыларга көмөлөспүтэ буолан кубулунан, элбэх дьон харчыларын уоран ылаары инвестиционнай платформаҕа киллэрбиттэр.

«Эр дьон Бурятия Өрөспүүбүлүкэтин олохтоохторуттан баан уонна SIM-каарталары атыыласпыттар, ол кэннэ дааннайдарын кураторга тиэрдибиттэр. Бу реквизиттэринэн лжеброкердарга итэҕэйбит гражданнар харчыларын ыытар буолбуттар. Кэнники уоруллубут харчыны устан тэрийээччилэргэ ыыталлар эбит, оттон сорох хаалбыт харчыны бэйэлэригэр хаалларыммыттар. Ону таһынан бу дьон харчыны устарга атын дьону булан «вербовканан» дьарыктаммыттар», — диэн «МВД МЕДИА» сетевой таһаарыы иһитиннэрдэ.

Силиэстийэ кэмигэр кинилэр куортамныыр кыбартыыраларыгар 100-тэн тахса баан каартатын, 32 суотабай төлөпүөнү уонна элбэх SIM-каарталары булан былдьаабыттар. Эр дьон Саха сириттэн биэс олохтооҕу албыннаан, уопсайа 20-тэн тахса мөл. солк. уорбуттар. Холуобунай дьыала тэрилиннэ. Буруйданааччылары силиэстийэ ыытыллар кэмигэр изоляторга хаайдылар.