“Восточно-Сибирская хорда” диэн ааттаах “Таксимо-Мииринэй” тырааныспар көрүдүөрүн тэрийэр туһунан Саха сирин Ил Дархана Айсен Николаев уонна Иркутскай уобалас губернатора Игорь Кобзев Тырааныспар нэдиэлэтигэр “Транспорт России” XIX норуоттар икки ардыларынааҕы пуорумҥа уонна быыстапка кэмигэр илии баттастылар.
Сөбүлэһии быһыытынан Мииринэй куорат уонна Бурятия Таксимо тимир суол ыстаансыйатын холбуур тырааныспар ситимэ тэриллиэҕэ. Бу сүрүн чааһа Иркутскай уобалаһынан ааһыаҕа уонна чуолаан, Бодойбо куорат уонна Кропоткин бөһүөлэк аттынан.
“Таксимо-Мииринэй” көрүдүөрүн туһаныллар массыына суолунан уонна кыһыҥҥы суолунан тэрийиэхтэрэ. Бырайыак быһыытынан Кропоткин-Ленскэй суол учаастагын тутуохтара, туһаныллар суоллары өрөмүөннүөхтэрэ, олор истэригэр Саха Өрөспүүбүлүкэтигэр Ленскэй-Мииринэй суолун, ону тэҥэ Таксимо ыстаансыйаҕа суол инфраструктуратын кэҥэтиэхтэрэ.
Бырайыагы олоххо киллэрии Хотугу муора суолун Байкал-Амур тимир суол ыллыгын кытта ситимнээн, мультимодальнай тиэйии тэриллиэ.
”Таксимо-Мииринэй” тырааныспар көрүдүөрүн тэрийии сылы эргиччи федеральнай массыына суолунан сылдьыыга төһүү буолуоҕа. Тырааныспар туруктаах уонна куттала суох буолуутун хааччыйан, экэниэмикэбитин сайыннарыахпыт. Бу Арассыыйа Бэрэсидьиэнин сорудаҕын толоруунан уонна эрэгийиэн тырааныспарынан сибээстэһиитин бөҕөргөтүүнэн буолар”, — диэтэ Айсен Николаев.
Иркутскай уобалас губернатора Игорь Кобзев бу курдук эттэ:
“Бу бырайыак Арассыыйа Илиҥҥи Сибииригэр уонна Уһук Илиҥҥэ тырааныспар инфраструктуратын тутаах элеменинэн буолуоҕа. Бу стратегическай суолталаах баайдаах сирдэргэ тиэрдиэҕэ, ыраах сытар сирдэри-уоттары сайыннарыаҕа. Тырааныспарынан сырыыны сэргэ саҥа үлэ миэстэтин тэрийиэҕэ, эрэгийиэннэри ситимниэҕэ”.
sakha.gov.ru
Сиһилии: https://www.sakha.gov.ru/news/15587
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…