Хаартыска: СИА
СӨ ИДЬМ дьуһуурунай борокуруор иһитиннэрбитинэн, биир суукка иһигэр Саха сиригэр буруйу оҥоруу туһунан 7 иһитиннэрии киирбит.
Уус Маайа улууһугар 1965 с. т. эр киһини өлөрдүлэр, уорбаланааччы тутулунна. Дьокуускай куоракка 2005 с. т. эдэр киһи доруобуйатыгар ыарахан дьайыы оҥоһулунна, уорбаланааччы билиннэ. Киин куоракка уоруу туһунан сайабылыанньа киирдэ, ону таһынан итирик туруктаах сылдьан тырааныспары иккистээн ыытыы быһаарылынна.
Дьокуускайга уонна Томпо улууһугар түөкүннээһин түбэлтэтэ тахсыбытын туһунан иһитиннэрии бэлиэтэннэ. Хаандыга бөһүөлэгин биир оскуолатын үлэһититтэн албыннаан алта мөлүйүөнтэн тахса суумалаах харчыны уордулар (схемата – “инвестициялар”).
Дьокуускайга 11 ыйдаах оҕо батарея итиитигэр сиэтиллэн, балыыһаҕа киллэрилиннэ.
Чульман бөһүөлэгэр бэйдиэ сылдьар ыттар саба түһүүлэрин түмүгэр 2012 с. төрүөх кыысчаан доруобуйата айгыраабытыгар бэрэбиэркэ ыытыллар.
Нерюнгри улууһугар “Лена” федеральнай суол 392 килэмиэтиригэр «Фольксваген Пассат» суоппара утары суолга тахсан, «Хонда ЦРВ» массыыналыын харсыспытын түмүгэр, «Хонда ЦРВ» массыынаҕа олорсон испит дьахтар тыына быһынна.
Итирик туруктаах сылдьан массыынаны ыыппыт 10 суоппар тутулунна.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…