Иван Луцкан: «Саха сирин быыбар чиэһинэйдик уонна аһаҕастык буолан ааста»

Саха сиригэр балаҕан ыйын 8, 9, 10 күннэригэр быһаарыылаах быыбар этэҥҥэ буолан ааста. Ол курдук биэс сылга үлэлиэхтээх Ил Дарханы уонна эрэгийиэннээҕи парламент, Дьокуускай уокуругун дьокутааттарын саҥа састаабын быһаардыбыт.  Өрөспүүбүлүкэтээҕи харах балыыһатын кылаабынай бырааһа Иван Луцкан бу быыбар чиэһинэйдик, аһаҕастык ааста диэн санаатын эттэ.

«Бу быыбарга биһиги саҥа дьону, интэриэһинэй этиилэри көрдүбүт. Ол быыһыгар, хомойуох иһин, хайп диэннэр эмиэ быгыахтаан ыллылар. Ол эрээри, Саха сиригэр быыбар чиэһинэйдик уонна аһаҕастык буолла. Биһиги быыбардааччыларбыт араас усках сонуннарга, агитацияларга охтубатылар. Бэйэлэрин толкуйдарынан чахчы үлэлиэ диэбит хандьыдааттарыгар куоластаатылар. Ил Түмэн саҥа састаабын  араас  идэлээх дьон хаҥатыахтара. Бу, биллэн турар, бары өттүнэн сөптөөх быһаарыныы ылылларыгар улахан оруолу ылыа. Кыайбыт хандьыдааттарга үлэлэригэр ситиһиини баҕарабын. Саамай сүрүнэ, талыллыбыт хандьыдааттар быыбар иннинээҕи былааннарын олоххо киллэрэллэригэр, талбыт дьоннорун кытта бииргэ үлэлииллэригэр баҕарабын. Оттон кыайан ааспатахтар, улаханнык хомойбокко, дьон туһугар өссө күүскэ ылсан үлэлииргитигэр…, — диэн Иван Луцкан эттэ.