Хаартыска: 1 №-дээх РБ-МНК тиксэриитэ.
2024 сылга Кардиососудистай киин исписэлиистэрэ улуустары кытта 7444 теле-ЭКГ оҥордулар, диэн иһитиннэрэр СӨ Доруобуйаҕа харыстабылын министиэристибэтэ.
Саамай элбэх 2754 ЭКГ Өлөөннөөҕү кииннэммит улуус балыыһатыттан кэлбит. Бу мантан 1800-тэн тахсатыгар сүрэх-тымыр систиэмэтигэр араас ыарыылар бааллара булуллубут, оттон 111-гэр сытыы миокард инфаркта буолуон сөп диэн сабаҕалааһын оҥоһуллубут.
947 түбэлтэҕэ атын ишемическэй ыарыылары буларга көмөлөһөр уларыйыылар бэлиэтэммиттэрэ, оттон 804 түбэлтэҕэ сүрэх тэбиитигэр уонна ыытыытыгар (проводимость) араас кэһиилэр бааллара бэлиэтэммит.
“Патологическай ЭКГ-ны быһаарыыга “бириэмэ” үгүстүк быһаарар суолталаах. Мэдисиинискэй технология бу көрүҥүн көмөтүнэн, улуустааҕы балыыһалар кэмигэр, сөптөөх быһаарыыны ылынан, өрөспүүбүлүкэ балыыһаларын үрдүк квалификациялаах исписэлиистэрин кытыннаран, мэдисиинискэй көмө толору көрүҥүн оҥорор кыахтаннылар», — диэн эрэгийиэннээҕи Доруобуйа харыстабылын министиэристибэтэ бэлиэтээтэ.
Сыл саҕаланыаҕыттан кардиология киинин быраастара улуустары кытта 1536 теле-ЭКГ оҥордулар. 1000-тан тахса түбэлтэҕэ сүрэх-тымыр систиэмэтин ыарыылара быһаарыллыбыт, ол иһигэр 68 түбэлтэҕэ сытыы миокард инфаркта. Улуус балыыһалара киин быраастарын кытта быһа сибээскэ сылдьаллар, ол сүрэх-тымыр ыарыыларыгар диагноһы түргэнник туруорарга көмөлөһөр, диэн иһитиннэрэр Ил Дархан, бырабыыталыстыба пресс-сулууспата.
Соторутааҕыта Саха сириттэн 200-тэн тахса тулаайах байыаннай дьайыыга ыытыллыбытын курдук сонун социальнай ситимнэргэ тарҕаммыта. Ол…
Бүгүн Тулалыыр эйгэни харыстааһын уонна Эколог күнүнэн сибээстээн өрөспүүбүлүкэ үрдүнэн араас тэрээһиннэр буоллулар. Ол курдук,…
Быйыл Ил Дархан "Үлэ киһитэ" бириэмийэтин 50 киһи ылары ситистэ. Сунтаар Элгээйититтэн үлэ киһитэ Раиса…
Саха сиригэр доруобуйа харыстабылын бастакы сүһүөх звенотун модернизациялааһын чэрчитинэн, Саха сиригэр мэдиссиинэ бөдөҥ эбийиэктэрэ тэтимнээхтик…
Бүтүн Арассыыйатааҕы үөрэнээччилэр олимпиадаларын федеральнай эриэйтинигэр Саха сирэ быйыл Арассыыйаҕа 72-с миэстэттэн 24-с миэстэҕэ тахсыбыт.…
Бэс ыйын 5 күнэ - Аан дойдутааҕы айылҕа харыстабылын күнэ. ХНТ Генеральнай Ассамблеята бу күн…