Кулун тутар 23-25 күннэригэр тэйиччиттэн көрүҥүнэн “Кэлэр кэм дипломата” оскуола үөрэнээччилэрин XVII өрөспүүбүлүкэтээҕи куонкуруһа буолан ааста. Түмүк билиннэ, кыайыылаахтар ааттаннылар.
Эссени кэпсээһин, омук тылынан сэһэргэһии уонна дебат түмүгүнэн 15 бастыҥ кыттааччы быһаарыллыбыта. Кинилэр финал түмүктүүр түһүмэҕэр – оратордар куонкурустарыгар киирбиттэрэ.
РФ Тас дьыалаларга министиэристибэтин Дьокуускай куоракка бэрэстэбиитэлэ, куонкуруһу тэрийээччилэртэн биирдэстэрэ Вера Сидорова: “Бу аныгы, кэскиллээх куонкурус. Онлайн көрүҥүнэн ыытыллан, тэрээһин өссө үрдээтэ. РФ Тас дьыалаларга министиэристибэ субъектары кытта үлэҕэ департамена бу куонкурус туһунан бэркэ билэр. Биһиги салалтабыт өрүү өйүүр. Атын эрэгийиэннэр маныаха ханыылыы бырагыраамалары, сайыҥҥы дипломатическай лааҕырдары толкуйдуохтарын баҕараллар. Эһиил Саха сиригэр “Азия оҕолоро” норуоттар икки ардыларынааҕы оонньуу ыытыллыахтаах. Норуоттар икки ардыларынааҕы олох эргииригэр төннөн эрэр. Оҕолорго үөрэхтэригэр ситиһиини баҕарабын, учууталларга махтанабын”,— диэн эттэ. Оҕолорго бэйэлэрин эҕэрдэлэрин СӨ Тас сибээскэ уонна норуоттар дьыалаларын миниистирин солбуйааччы Сергей Хатылыков, “Юные якутяне” өрөспүүбүлүкэтээҕи ресурснай киин дириэктэрин солбуйааччы Анисия Иванова, 2010 сыллааҕы “Кэлэр кэм дипломата” куонкурус кыайыылааҕа Анатолий Храмов тиэртилэр.
Кыайыылаахтар:
“Кэлэр кэм дипломата” XVII куонкурус муҥутуур кыайыылааҕа – Алдар Шишигин (Арктика норуоттар икки ардыларынааҕы оскуола 9-с кылааһын үөрэнээччитэ).
Үрдүкү лигаҕа:
I истиэпэннээх дипломант – Айсаар Николаев (Горнай улууһун Бэрдьигэстээх гимназиятын 11-с кылааһын үөрэнээччитэ);
II истиэпэннээх дипломант – Роман Романцов (Мииринэй улууһун 26-с нүөмэрдээх орто оскуолатын 10-с кылааһын үөрэнээччитэ);
III истиэпэннээх дипломант – Кирилл Невмержицкий (Булуҥ улууһун Арктикатааҕы гимназия 11-с кылааһын үөрэнээччитэ);
Кыра лигаҕа:
I истиэпэннээх дипломант – Владимир Мальцев (Дьокуускай куорат Н.О. Кривошапкин аатынан 5-с нүөмэрдээх оскуолатын 8-с кылааһын үөрэнээччитэ);
II истиэпэннээх дипломант – Эльдар Макаров (Дьокуускай куораттааҕы классическай гимназия 8-с кылааһын үөрэнээччитэ);
III истиэпэннээх дипломант – Савелий Желонкин (Дьокуускай куораттааҕы классическай гимназия 5-с кылааһын үөрэнээччитэ).
Кыайыылаахтары “Сир уустара” сайыҥҥы лааҕырга сынньанар путевканан, анал бириистэринэн наҕараадалаатылар. Онтон I истиэпэннээх дипломант Айсаар Николаевка РФ Тас дьыалаларга министиэристибэтин Дипломатическай академиятыгар тус сыаллаах үөрэххэ үөрэнэригэр сэртипикээти анаатылар. Муҥутуур кыайыылаах аатын сүкпүт Алдар Шишигиҥҥа СӨ Ил Дарханын Харыйатыгар кыттарга ыҥырыы туттардылар.
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…