Кэллиэгэтин күлүүкэнэн уонна сыбаабыранан кырбаан, 10 сыл көҥүлэ быһыллыа
23.04.2024, 13:13
СӨ Борокуратууратын хаартыската.
Бөлөххө киир:
Чурапчы оройуонугар 35 саастаах эр киһи 10 сылга кытаанах эрэсиимнээх холуонньаҕа көҥүлэ хааччахтанарын туһунан бириигэбэр таҕыста. Сууттанааччы итирэн баран, кэллиэгэтин күлүүкэнэн, сыбаабыранан, олоппоһунан саайталаабыт, охсуталаабыт, тэбиэлээбит. Эмсэҕэлээччи тыына быстыбыт.
Быһылаан 2024 сыл тохсунньутугар үлэ тэрилтэтэ хааччыйбыт дьиэтигэр буолбут. Эмсэҕэлээччи кырбаныы түмүгэр төбөтүн улаханнык эчэппит, онон миэстэтигэр өлбүт.
СӨ Борокуратууратыгар чуолкайдаабыттарынан, буруйу оҥорооччу Уус Алдантан төрүттээх эбит, эрдэ сууттана сылдьыбыт.
Суут бу киһини 10 сылга кытаанах эрэсиимнээх холуонньаҕа көҥүлүн хааччахтыыр туһунан бириигэбэрдээтэ.
+1
3
+1
+1
+1
+1
+1
+1
1
Сообщить об опечатке
Текст, который будет отправлен нашим редакторам: