Андрей Сорокин хаартыскаҕа түһэриитэ
Сунтаар улууһун Кэмпэндээйи сэлиэнньэтигэр саҥа оскуола-уһуйаан тутуллара былааннанар, онно 90 миэстэлээх оскуола уонна 25 миэстэлээх уһуйаан аһыллыаҕа.
Бэҕэһээ Ил Дархан Айсен Николаев Кэмпэндээйи сэлиэнньэтигэр оробуочай сырыытын кэмигэр итинник быһаарда диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
«Тыа сирин мас оскуолата 1960-с сылларга тутуллубут, эргэрбит. Урут саҥа дьиэ бырайыактыыр-симиэтэлиир докумуона оҥоһуллан госэкспертизаны ааһан, үчүгэй түмүгү ылбыт. Оҕолорбутун үөрэтиигэ уонна иитиигэ сөптөөх усулуобуйа тэриллиэхтээх дии саныыбын, онон 2025 сылга нэһилиэккэ саҥа оскуола дьиэтин тутуута саҕаланыаҕа», – диэн бэлиэтээн эттэ Ил Дархан.
Күн бүгүн Кэмпэндээйи сэлиэнньэтин оскуолата 76 үөрэнээччилээх, эбии оскуола иннинээҕи бөлөх үлэлиир.
«Оскуола 2000 сылтан инновационнай бырайыактары олоххо киллэрэр, Саха сирин баһылыгын гранын үс төгүллээх хаһаайынынан буолар. Оскуолаҕа «Я – исследователь», «Большие вызовы» Бүтүн Арассыыйатааҕы куонкурустар призердара үөрэнэллэр. 2021 сыллаахха икки үөрэнээччи «За особые успехи в учении» кыһыл көмүс мэтээлинэн наҕараадаламмыта. Кэмпэндээйи оскуолатын үөрэнээччилэрэ национальнай көрүҥнэргэ эрэгийиэннээҕи уонна Бүтүн Арасыыйатааҕы күрэхтэһиилэргэ ситиһиилээхтик кытталлар. Ол курдук, 2022 с. биһиги оскуолабыт спортсмена мас-рестлиҥҥэ Арассыыйа чөмпүйэнээтин призера буолбута, оттон 2023 с. 10 юниор мас-рестлиҥҥэ өрөспүүбүлүкэтээҕи күрэхтэһиилэр призердарынан буолбуттара», — диэн оскуола дириэктэрэ Владимир Семёнов кэпсиир.
Санатан эттэххэ, Саха сиригэр 2018-2022 сс. федеральнай уонна эрэгийиэннээҕи үп суотугар, ол иһигэр дойду бэрэсидьиэнэ «Үөрэхтээһин» национальнай бырайыагынан барыта 10,2 тыһ. миэстэлээх 48 оскуола тутулунна.
РФ Үөрэҕириитин уонна Үөрэҕи, билими кэтээн көрөр федеральнай сулууспа кэлэр сыллааҕы биир кэлим эксээмэн, сүрүн…
Арассыыйа тимир суоллара (АТС) Кытайы уонна КНДР-ы кытта пассажирдары тиэйиини сөргүтэллэр. Бу туһунан АТС пресс-сулууспата…
Бүгүн СӨ Бырабыыталыстыбатын 2 дьиэтигэр "Конституция -- Арассыыйа быраапка тирэҕэ: Саха сирин аныгы быыбардыыр тиһигин…
«Арассыыйа – мин устуоруйам» историческай пааркаҕа «Кино в службе Отечества» бэстибээл чэрчитинэн «Дьиэбэр барабын» киинэни…
Балбахов Виссарион Дмитриевич, үйэ чиэппэрэ кэм устата Хоту сиргэ таһаҕаһы таһыыга эҥкилэ суох үлэлээбит Арассыыйа Федерациятын…
Дьокуускай полициятыгар Лермонтов уулуссатыгар баар комиссионнай маҕаһыын бэрэстэбиитэлиттэн сайабылыанньа киирбит. Кини маҕаһыынтан 6 тыһ.солк. суумалаах…