Кэнсиэртэн киирбит үбү «Кыайыы 80 сыла» пуондаҕа биэрдилэр

Кыайыы 80 сылыгар анаан Сунтаар улууһун доруобуйатын харыстабылын үлэһиттэрин күүһүнэн «Кыайыы кынаттанан…» диэн  аһымал кэнсиэр тэрилиннэ.

— Бу күҥҥэ куораттан ааттаан Сиэйэ Уола — Айылыатта Дьырылыат кыттыыны ылан, дьоро киэһэни киэргэттэ. Дьон олус элбэх, билиэтинэн киирбит үп — 150 000 солк. улуус, 100 000 солк.  нэһилиэк «Кыайыы 80 сыла»  пуондатыгар туттарылынна. Кэнсиэри көрөөччүлэр  «Олус сөбүлээтибит, ураты кэнсиэр буолла», — диэн астына-дуоһуйа тарҕаспыттара үөрдэр, — диэн Сунтаартан Тускулаана ГОРОХОВА-КОБЕЛЬЯНОВА иһитиннэрдэ.