Кэнтик оскуолата “Оскуола бастыҥ остолобуойа” Бүтүн Арассыыйатааҕы куонкуруска лауреатынан буолла
Үөрүүлээх сонун тигинээн кэллэ – Үөһээ Бүлүү Кэнтик оскуолата бу күннэргэ Москва куоракка ыытыллыбыт “Оскуола бастыҥ остолобуойа” Бүтүн Арассыыйатааҕы куонкурус супер финалыгар лауреатынан ааттанна итиэннэ “Саамай хаардаах оскуола остолобуойа” (Самая снежная школьная столовая) номинацияны ылла.
“Хас даҕаны түһүмэҕи ааһан, салгыы Москва куоракка ыытыллыбыт супер финалга кыттар чиэскэ тигистибит. Супер финалга кыттарга хара дьааһыкка куурусса этэ (филе), черри помидор, моркуоп, кабачок, арыы баара. Мантан асчыппыт торуой уонна салаат оҥорбута.
Итини таһынан, хамаандаттан Екатерина Кирилловна Иванова, Саргылаана Сысоевна Стручкова, мин буоламмыт “Төрөппүттэр ыйытыылара” диэн куонкуруска кыттыбыппыт, төрөппүттэр оскуола аһылыгын туһунан биэрбит икки ыйытыыларыгар хоруйдаабыппыт” – диэн Кэнтик оскуолатын дириэктэрин иитэр үлэҕэ солбуйааччы Степан Родионов кэпсиир.
Манна даҕатан эттэххэ, Үөһээ Бүлүү улууһун оскуолата дойду таһымнаах тустаах куонкуруска иккис төгүлүн Саха сирин дорҕоонноохтук ааттатта. Былырыын И.Барахов аатынан Үөһээ Бүлүү сэлиэнньэтин 1-кы нүөмэрдээх оскуолата эмиэ лауреат үрдүк аатын ылан, ситиһиилээхтик кыттан кэлбитэ.
Кэнтик оскуолатын дьоһун ситиһиитинэн эҕэрдэлиибит!
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…