Олунньу 22 күнүгэр Таатта улууһун Харбалаахтааҕы үөрэхтээһин холбоһугар алын сүһүөх кылаас үөрэнээччилэригэр Аҕа дойдуну көмүскээччилэр күннэригэр аналлаах «Смотр строя и песни» тэрээһин үрдүк таһымҥа ааста.
Кырачаан саллааттар тэрээһиҥҥэ бэлэмнэммиттэрэ ыраатта. Ол түмүгэр бүгүн олус бэрт хаамыыны көрдүбүт, ырыаны ырыалары иһиттибит. Чобуо куоластаах хамандыырдар араапар биэрэн чоргуйдулар, кылаастарын хамаандалаан хаамтардылар.
Күрэхтэһии түмүгэр 4-с кылаастар маҥнайгы миэстэни ыллылар (учууталлара С.Р.Винокурова). Иккис миэстэни үчүгэй бэлэмнээх маҥнайгы кылаастар ылан үөрдүлэр (учууталлара М.С.Попова). Үһүс миэстэ үһүстэр буоллулар (учууталлара К.И. Старостина). 2 кылаастар «Көхтөөхтүк кыттыы иһин» анал бэлиэни туттулар.
Итини таһынан, «Лучшая строевая подготовка» анал ааты 4-с кылаастар ыллылар. «Бастыҥ хамандыыр» аатын 1 кылаас үөрэнээччитэ Ананьев Эрчимэн сүгэн, улахан кылаас хамандыырдарыгар холобур буолла. Үһүстэр «Бастыҥ байыаннай ырыа» номинация кыайыылаахтара буоллулар. «Бастыҥ байыаннай формалаахтарынан» иккистэр ааттаннылар.
Салгыы араас саастаахтартан таҥыллыбыт «Күөхтэр», «Араҕастар», «От күөхтэр», «Кыһыллар» хамаандалар икки ардыларыгар көрдөөх эстафета ыытылынна. «Кыһыллар» хамаандалара кыайыы өрөгөйүн биллэ.
Бу күрэхтэһиигэ улахаттар кыраларыгар өйөбүл буоллулар, олус көхтөөх эстафета доҕордуу буолуу, көмөлөсүһүү иэйиитигэр куустаран түмүктэннэ.
Наташа Никифорова, 11 кылаас үөрэнээччитэ, Харбалаах оскуолатын хаартыскалара
Арассыыйаҕа биллэриллибит Дьиэ кэргэн уонна Саха сиригэр Оҕо саас сылларынан Аллайыаха улууһугар элбэх үлэ ыытылла…
Ыраастаныы киһи киртийдэҕинэ оҥоһуллар. Киһиэхэ кир тастан киирэр. Ким эрэ куһаҕаны эппитэ, күннээҕи олоххо туох…
Өрөспүүбүлүкэ күнүн бары улуустарга өрө көтөҕүллэн туран, бу күннэргэ араас дириҥ ис хоһоонноох тэрээһиннэри ыыттылар.…
Москваҕа муус устар 27 күнүгэр "Центр духовно-нравственное единение "Будущее" НКО уопсастыбаннай бириэмийэтин туттарыы сиэрэ-туома ыытылынна.…
Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи Гаврил Вырдылинтан нэһилиэк…
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…