Хаартыска: www.sakha.gov.ru
Н.Е.Мординов-Амма Аччыгыйа аатынан “Кэскил” оҕо кыһата “Нация киэн туттуута-2024” (“Гордость нации-2024”) Бүтүн Арассыыйатааҕы бириэмийэ лауреатынан буолла. “Судаарыстыбаннай национальнай бэлиитикэни информационнай өттүнэн арыаллааһыҥҥы кылаатын иһин” номинация 3-с истиэпэннээх лауреатын дьупулуомун кыһа салайааччытыгар Ольга Семеноваҕа туттардылар.
Ил Дархан Айсен Николаев грана баар буолан кыһа “Моя семья в истории Отечества” бырайыагы салгыы үлэлэтэр.
“Үһүс сылын Судаарыстыбаннай Мунньах (Ил Түмэн) арыаллааһынынан, “Генеалогии и этнологии народов Севера” национальнай чинчийэр институт, СӨ Билим аччыгый академията кыттыһан оҕолору кытта дьиэ кэргэн устуоруйатын чинчийэбит. Үс саастарыттан: “Тапталлаах эбэм былаата” — диэн тыллаах кытталлар. 13-17-с көлүөнэҕэ диэри тиийэр төрүттэрдээх 600-тэн тахса киһилээх дьиэ кэргэттэр бааллар. Онно булгуччу интернациональнай силистээхтэрэ көстөр”,– диэн Ольга Семенова этэр.
Быйыл “Саха сирэ — Донбас” бырайыагы саҕалыыр былааннаахтар. Кыһа айар кэлэктиибэ “Росдетцентр” ресурснай киин салаатын кытта “Дьоһуннааҕы кэпсэтии” дьарык эрэгийиэннээҕи компоненын уонна “Арассыыйа хотойдоро” бырагырааманы оҥороллор.
“Нация киэн куттуута” бириэмийэни “Арассыыйа норуоттары ассамблеята” уопсастыбаннай-судаарыстыбаннай тэрилтэ олохтуур. Наҕараадалааһын тэрээһинэ Норуоттар сомоҕолоһууларын күнүн иннинэ буолар.
Бу кэм устата “Нация киэн туттуута” куонкурус Арассыыйа араас эрэгийиэннэриттэн 104 лауреаты федеральнай таһымҥа бэлиэтээтэ.
Ил Дархан уонна Бырабыыталыстыба пресс-сулууспата.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…