Тыа хаһаайыстыбатын министиэристибэтин хаартыската
Ол курдук, саҥа сыах 80 тыһыынчаттан тахса кууруссаҕа ананар. Көтөр баабырыкатыгар саҥалыы уларытан оҥоруу кэнниттэн, эбии 18 720 көтөрү тутар миэстэ баар буолбут.
Сыах дьиэтэ 1989 сыллаахха киирбит. Иэнэ 2 тыһ.кв.м тэҥнэһэр. Оччолорго сыахха көтөрү тутарга 61 920 килиэккэ миэстэтэ оҥоһуллубут. Көтөр баабырыкатыгар уларытыылары киллэрии былырыын муус устартан саҕаламмыт. Ол курдук истиэнэтин, муостатын, тэриллэри уларытыыга былааннаммыта. Тупсаран, саҥардан оҥоруу чэрчитинэн сыахха автоматизированнай хонтуруоллуур систиэмэлээх килиэккэ тэрилэ оҥоһуллубута.
Дьокуускайдааҕы көтөр баабырыкатын саҥа тупсарыллыбыт сыаҕынан СӨ Тыа хаһаайыстыбатын миниистирин солбуйааччы Николай Афанасьев эҕэрдэлээтэ:
— Бүтэһик сылларга Дьокуускайдааҕы көтөр баабырыкатын тупсарыы, саҥардыы түмүгэр, тыа хаһаайыстыбатын стратегическай соруктаахтык сайыннарар туһунан Ил Дархан Айсен Николаев туруорбут сыала-соруга толорулунна. Ааспыт сыл бүтүүтэ Дьокуускайдааҕы көтөр баабырыкатыгар сымыыты оҥорон таһаарыы 15% үрдээбитэ. Онон саҥа тэриллээх тупсарыллыбыт сыахха туруоруммут сыалы-соругу ситэргэ судургу буолуоҕа, — диэн эттэ.
СӨ Тыа хаһаайыстыбатын министиэристибэтин пресс-сулууспатыттан
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…