Киһини дьүһүнүнэн билгэлээһин

Былыр сахалар киһини сирэйинэн, илиитинэн кимин-тугун сылыктыыллара. Киһи 40 сааһын аастаҕына сирэйэ, тас көрүҥэ аны уларыйбат диэн бигэтик этэллэрэ. Киһиэхэ сирэйигэр 130 араас бэлиэ баар диэн ааҕаллара.

Онтон сүрүннэрэ манныктар:

1. Быччайбыт, киэҥ харахтаах киһи – эр санаалаах, хорсун, уйан.
2. Көнө уһун мурун – өйдөөх киһи.
3. Улахан айахтаах киһи – эр санаалаах.
4. Уоһун ньимийээччи киһи – сэрэх киһи.
5. Таллаҕар кулгаахтаах киһи – муусукаҕа дьоҕурдаах.
6. Уһун тарбахтардаах, уһун илиилээх киһи – улахан дьоҕурдаах, муударай.
7. Сымнаҕас, намчы илии – билиигэ-көрүүгэ тардыһар киһи илиитэ.
8. Кэдэгэр тарбахтар – өйдөөх, байым, улгум киһи киэннэрэ.
9. Чэрдээх илиилээх киһи – наһаа үлэһит киһи.
10. Доруобай киһи тыҥыраҕа – кытархайдыы тэтэркэй өҥнөөх.
11. Харатыҥы сиэрэй харах – кыыһырымтаҕай, өһөс, ирдэбилин толорторор, күнүүһүт.
12. Хара харах – көрдөөх-нардаах, сытыы өйдөөх, дьоҥҥо олус сыстаҕас киһи хараҕа.
13. Айаҕын киэҥник атан, алларастаан күлэр киһи – дохсун майгылаах.
14. Уҥа хааска мэҥ – эрдэ кэргэн тахсар.
15. Сүүс ортотугар мэҥ – дьоллоох таптал.

(М.П.Яковлева, “Төрүт культура” 8 кылаас кинигэттэн).