Киин быыбардыыр хамыыһыйа оҕолорго айар куонкурус биллэрэр

Быыбардыыр быраап култууратын үрдэтии чэрчитинэн Эдэр быыбардааччы күнүгэр анаан араас тэрээһиннэр уонна куонкурустар ыытыллаллар.

Маннык тэрээһиннэр ыччат уонна үүнэн иһэр көлүөнэ быыбарга интэриэһин үрдэтэр, ону таһынан үөрэнэр ыччат айар дьоҕурун арыйар уонна сайыннарар сыаллаах тэриллэллэр диэн СӨ Киин быыбардыыр хамыыһыйата иһитиннэрэр.

Ол курдук, олунньу 1 күнүттэн 5-тэн 8-с кылаас оҕолоругар «Мой выбор» тиэмэҕэ өрөспүүбүлүкэтээҕи уруһуй куонкуруһа ыытыллар. Куонкуруска үлэлэри олунньу 1-22 күнүгэр диэри туталлар.

Олунньу 5 күнүттэн 9-11 кылаастарга «Выборы – это интересно!» тиэмэҕэ эссе суруйуутугар өрөспүүбүлүкэтээҕи куонкурс биллэриллэр. Куонкуруска үлэлэри олунньу 5-25 күнүгэр диэри туталлар.

Куонкуруска кыттар үлэлэри маннык электроннай аадырыска ыытаҕыт: cik14@mail.ru

Куонкурустар туһунан сиһилии иһитиннэриини СӨ Киин быыбардыыр хамыыһыйатын саайтыгар көрүҥ: http://www.yakut.izbirkom.ru/