Хаартыска: Елена Аммосова
Дьокуускайга «Лена» киинэ тыйаатырыгар «Дьөһөгөй Айыы» киинэ премьерата буолла.
Ыһыах күнүгэр — саха норуотугар сүҥкэн суолталаах бырааһынньыкка халлаантан Дьөһөгөй Айыы таҥарата түһэр. Бу туһунан режиссер Сергей Потапов «Дьөһөгөй Айыы» киинэ устуоруйатыгар көрдөрөр. Хартыына ыһыах кэмигэр уол Айыы кыыһын көрсөн күүстээх тапталларын туһунан кэпсиир.
Режиссер Сергей Потапов этэринэн, киинэ документальнай аҥардаах уонна экспериментальнай суолталаах. Сүрүн оруолу толорооччу Павел Ченянов киинэ икки хонук устата бастакы сыаналара маҥнайгы дубльтан уһуллубутун бэлиэтиир. Киинэ 2013 сыллаахха уһуллан түмүктэммит уонна 2015 сыллаахха дьон көрүүтүгэр тахсыбыт. Хартыына саха норуотун култууратын бэлиэтинэн ыһыах национальнай бырааһынньыгын көрдөрөр.
Продюсер Жанна Доари киинэ элбэх норуоттар икки ардыларынааҕы бэстибээллэргэ, чуолаан Соҕуруу Кореяҕа Сеул куоракка олус үчүгэйдик ылыныллыбытын бэлиэтиир. Бу хартыына 67-с Берлинскайдааҕы аан дойдутааҕы киинэ бэстибээлин уонна норуоттар икки ардыларынааҕы киинэ бэстибэллэрин кыттыылааҕа. «Бу бастакы оруолум. Актер уопутум суох этэ. Ол да буоллар, соһуччу маннык интэриэһинэй киинэ уһуллуутугар кыттар кыахтаммытым. Бу бырайыакка кыттыбыппыттан олус үөрэбин», — диир артыыс Аля Матаннанова.
Саха тимирэ, тимиринэн уһаныы – бу саханы саха дэппит, тыйыс айылҕалаах хоту дойдуга биһигини киһи-хара…
Ил Дархан Айсен Николаев Москваҕа судаарыстыбаннай салайыы норуоттар икки ардыларынааҕы бастакы конгреһыгар «Цифровой капитал региона»…
Бүгүн, олунньу 12 күнүгэр, Нерюнгри оройуонугар СӨ Бырабыыталыстыбатын 2025 сыллааҕы үлэтин отчуота саҕаланар. Икки бөлөх …
Сергей Васильев - Борогонскай аатынан улуустааҕы киин бибилэтиэкэ ааҕар саалатыгар «Сырдыгы, сылааһы саҕааччылар» диэн Уус…
- «Чолбон» сурунаал бастакы нүөмэригэр тахсыбыт Б.Нь. Лөгүөнтэйэп, Ө.С.Байаарап уонна А.У.Соппуруонап аан тыллара; - 51…
Ааспыт сууккаҕа Саха сиригэр буруйу оҥоруу түөрт түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…