Хаартыска: «Якутскэнерго» пресс-сулууспата
Дьокуускайга олорор дьиэлэринэн уонна социальнай эбийиэктэринэн ититиини ыытарга бэлэмнэнии үлэтэ түмүктэнэр.
Куорат үрдүнэн ититиини балаҕан ыйын бастакы аҥаарыгар ыытарга былаанныыллар. Бу туһунан киин куорат мэриятын пресс-сулууспатыгар иһитиннэрдилэр.
«Билигин куорат сиригэр-уотугар 2870 элбэх кыбартыыралаах олорор дьиэттэн киин ититиигэ 2556 дьиэ холбонон турар. Олорор дьиэ пуондатынан 84% ититии ситимин ыраастабыттар, үлэ кыраапык быһыытынан баран иһэр. Мантан 1800 дьиэ номнуо бэлэм буолуу аахта докумуонун туппутар, салгыы хас биирдии дьиэнэн кыстыкка бэлэм буолуу пааспарын ылыахтаахтар», – диэн Дьокуускай куорат мэрэ Евгений Григорьев иһитиннэрдэ.
Кини Дьокуускайга 370 социальнай эбийиэк баарын бэлиэтээтэ, олортон 90%- на бары наадалаах үлэни ыыппыттар. «Онон оттук сезонун иннинэ бастакы уочарат социальнай эбийиэктэри уонна олорор дьиэ пуондатынан ититии биэрэбит. Урукку сылларга курдук, бастатан туран, куорат уокуругар кыстыкка бэлэмнэнии пааспарын ылыахпыт. Бэлэмнэнии үлэтэ былааннамыт эрэсииминэн барар», — диэн кини эбэн эттэ.
Куорат үрдүнэн ититии биэрии үлэтэ балаҕан ыйын бастакы аҥаарыгар саҕаланара былааннанар, салгын орто температура +8С кыраадыс буолуохтаах.
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…