Киин куоракка сөтүө кэмин арыйыы чинчийии кэннэ биллиэҕэ

Бүгүн-сарсын киин куорат 202  түөлбэтигэр уу уонна кумах боруобатын анализтааһынын түмүктэрэ биллиэҕэ.

Бу туһунан Роспотребнадзор бэрэстэбиитэлэ Георгий Игнатьев куорат мэриятын планеркатыгар иһитиннэрдэ. Чинчийии түмүгүнэн сөтүө сирин официальнай арыйыытын туһунан туһааннаах быһаарыы ылыллыаҕа.

Санатан эттэххэ, бу күннэргэ куораттааҕы сөтүө сирин тупсарыы үлэтэ ыытыллар. Тэрээһин үлэтэ сотору кэминэн түмүктэниэ.

Өрөспүүбүлүкэҕэ сөтүө кэмэ сыл ахсын от ыйыттан саҕаланар, ол эрээри быйыл аномальнай сылыйыы бэлиэтэммитинэн киин куорат 202 түөлбэтиттэн уу аналааһыны боруобаҕа ылыы бэс ыйын 3 күнүгэр оҥоһуллубута.