Ил Дархан, бырабыыталыстыба дьаһалтатын пресс-сулууспата.
Дьокуускайдааҕы килиэп кэмбинээтэ 2020 сыллаахха «Производительность труда» национальнай бырайыак кыттыылааҕа буолуоҕуттан, бородууксуйатын сорох көрүҥнэрин оҥорон таһаарыытын 1,5 төгүл, барыһын кээмэйин 1,4 төгүл улаатыннарбыт. Онон үлэҕэ оҥорон таһаарыытын 9,9% үрдэппит.
Бу туһунан Дьокуускайдааҕы килиэп кэмбинээтин генеральнай дириэктэрэ Светлана Кынакытова иһитиннэрдэ.
— Биһиэхэ «Я люблю хлеб» диэн саҥа фирменнэй атыылыыр ситиммит баар буолла. Кэмбинээт үлэҕэ саҥаны киллэриигэ, бородууксуйаны тупсарыыга тохтоло суох үлэлиир. Саҥа үлэһиттэрбитин үөрэтэбит, настаабынньыктары аныыбыт, саҥа идиэйэлэри киллэрбит дьоммутун өйүүбүт, сайдан иһэбит, — диэн кини эттэ.
2021 сылтан тэрилтэ «Федеральный центр компетенций» кытта бииргэ үлэлэһэр. Манна үлэ көдьүүһүн үрдэтэргэ араас тэрээһиннэр ыытыллаллар.
«Производительность труда» национальнай бырайыакка Саха сириттэн 21 тэрилтэ киирбитэ. Быйыл өссө 6 тэрилтэ киирэрэ былааннанар.
Бу национальнай бырайыак 2018 сыллаахха бэрэсидьиэн Владимир Путин ыйааҕынан бигэргэммитэ. Бырайыак дойдуга үлэҕэ оҥорон таһаарыы үрдүүрүгэр усулуобуйаны оҥорор сыаллаах. Онон 2024 сылга орто уонна бөдөҥ тэрилтэлэргэ үлэҕэ оҥорон таһаарыы тэтимин сылга 5% үрдэтэр сыал-сорук турар.
Ил Дархан, бырабыыталыстыба дьаһалтатын пресс-сулууспата.
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…
1889 сыллаахха 1 Нөөрүктээйи нэһилиэгин бочуоттаах инородеһа, биллиилээх меценат Степан Идельгин үбүнэн Өлүөхүмэ улууһун 1…
Покровскайга Оҕо-ыччат успуордун оскуолата 1975 сыллаахха төрүттэммитэ. Оттон уус-уран гимнастика салаата манна 2021 сыллаахха арыллыбыта.…
Суут приставтарын федеральнай сулууспатын Дьокуускай куораттааҕы уонна Сунтаар улууһунааҕы управлениелара 280 тыһыынча солкуобайдаах иэһи төнүннэриигэ…