Хаартыскаҕа Мария Васильева түһэриитэ, СИА
Килиимэт уларыйыытын уонна ирбэт тоҥ ириитин боппуруостарыгар ыытыллыахтаах аан дойду таһымнаах научнай-практическай кэмпириэнсийэ быйыл кулун тутар 22-24 күннэригэр ХИФУ былаһааккатыгар буолаары турар.
Бу улахан кэмпириэнсийэни ХИФУ-га ыытыы – биһиги өрөспүүбүлүкэбит университетын научнай оскуолатын үрдүк таһымнааҕын, күүстээҕин билинии бэлиэтинэн буолар. Килиимэт уларыйыытын кыһалҕаларын чинчийиигэ ХИФУ улахан оруоллааҕын туһунан Арктика сэбиэтин үрдүкү дуоһунастаах дьонун кэмитиэтин бэрэссэдээтэлэ, Российскай Федерация Тас дойдулар дьыалаларыгар министиэристибэтин ураты сорудахтарга Посола Николай Корчунов бу кэмпириэнсиэйэҕэ бэлэмнэнии туһунан Москваҕа бу күннэргэ ыытыллыбыт пресс-кэмпириэнсийэ кэмигэр бэлиэтээн эттэ.
— Ааспыт сылга кэккэ консорциумнар тэриллибиттэрэ. Олор ортолоругар Бэлиитикэ уонна быраап хайысхатыгар Арктикаҕа чинчийиилэргэ консорциум, Арктикаҕа чинчийиилэри ыытыыга Арассыыйа уонна Азия консорциума Дьокуускай куоракка ХИФУ баазатыгар тэриллэн, үлэлииллэр. Консорциум диэн – билим араас хайысхалара бииргэ алтыһан хардарыта көдьүүстээхтик, үрдүк таһымнаахтык үлэлээһиннэрин коллаборацията буоларын өйдүөх тустаахпыт. Университет оруола манна улахан.
Арассыыйа 2021 с. ыам ыйын 1 күнүттэн Арктика Сэбиэтин бэрэссэдээтэлин быһыытынан элбэх үлэни ыытар. Ол быһыытынан ыытыллар бары үлэлэргэ Саха сирин Хотугу Муустаах муора кытылыгар сытар сирдэригэр килиимэт уларыйыытын чинчийии, бу сирдэри баһылааһыҥҥа суолталаах экэниэмикэ, инвестиция боппуруостара, онно олохтоох аҕыйах ахсааннаах хотугу норуоттар үгэс буолбут олохторо, дьарыктара, култууралара, тыллара уо.д.а. барыта болҕомтоҕо ылыллар. Саха сирин бүттүүнүн кэриэтэ сирэ-уота ирбэт тоҥҥо турар. Бу ирбэт тоҥ араҥатыгар бара турар уларыйыылары чинчийиигэ ХИФУ киһи сэргиир дьоһун үлэлэрдээҕинэн биллэр.
Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи Гаврил Вырдылинтан нэһилиэк…
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…
Бэс Күөлүгэр сэргэх тэрээһин буолла. Нэһилиэк баһылыга Айсен Егорович Павлов үөрүүлээх тэрээһиҥҥэ мустубут дьону эҕэрдэлээтэ…
Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ…
Ил Дархан Айсен Николаев харах балыыһатын стационарнай отделениета аһыллыытыгар, тэрилтэ өрөспүүбүлүкэҕэ доруобуйа харыстабылын сайдыытыгар ситиһиилээх…
Халыма-Индигиир улуустарын уокуругуттан үгүс спортсмен араас көрүҥнэргэ ситиһиилэрдээхтэр. Ол курдук, бу күннэргэ Муоматтан төрүттээх бөҕөс…