Кирэдьиит ыларга көмөлөһөн баран, сороҕун уорбут

Мииринэй оройуоннааҕы ИДьМ дьуһуурунай чааһыгар биэнсийэлээх дьахтар каартатыттан 23 тыһ.солк. уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ маныаха Мииринэй куорат 22 саастаах олохтооҕо уорбаланарын быһаарбыттар.

Силиэстийэ дааннайдарынан, быһылаан буолбут күнүгэр эдэр киһи суотабай сибээһин солуонугар үлэтигэр сылдьыбыт. Ол сырыттаҕына, биэнсийэлээх дьахтар баан сыһыарыытын нөҥүө кирэдьиит ыларыгар көмөлөһөргө көрдөспүт. Уол үөрэ-көтө сөбүлэспит. Кирэдьиит ылбыт харчы түспүтүн көрөн, уол сороҕун бэйэтин счетугар ыыппыт.

Уоруунан холуобунай дьыала тэрилиннэ.