Кириһиэнньэ күн ууга умсарга туох быраабыланы тутуһар нааданый

Киһи эт-хаан өттүнэн доруобай эрэ буолбакка, тымныы ууну тулуйа үөрэммит буоллаҕына, аҕыйах сөкүүндэҕэ умсан ылан баран, тахсан тута сылаастык таҥнан кэбиһэрэ доруобуйатыгар улахан куттала суох.

Онон Кириэһиэнньэ күн ууга умсаахтыан баҕарар дьон эрдэттэн бэлэмнэниэхтэрин наада:

— күн аайы итии-тымныы уунан душтанан, паардаах хостон тымныы ууга киирэн, эккитин-сииҥҥитин бэлэмнээн саҕалааҥ;

— эрдэттэн бэлэмнэммит — ууга үктэнэн киирэр, таҥас уларыттар сирдээх, мэдиссиинискэй көмө баар сирин талар ордук. Маннык сири мунципальнай былаас эрдэттэн биллэрэр;

— бэрэбиэркэлэммэтэх сиргэ умсубат ордук;

— хас да соттордоох, кураанах сылаас таҥастаах, итии (арыгы буолбатах) уулаах барыҥ;

— умсуоххут иннинэ эккитин-сииҥҥитин имитиҥ, хамсаныыларда оҥоруҥ. Ууттан тахсаат, түргэнник сотто охсон, сылаас кураанах таҥаһы кэтэ охсуҥ;

— хаһан да соҕотоҕун умсумаҥ. Соччото суох туруктаах буоллаххытына киирэ да сорунумаҥ итиэннэ ойбоҥҥо туран эмискэ туоххут эрэ ыарыйдаҕына эбэтэр тыыҥҥыт хаайтардаҕына кыбыстыбакка түргэнник көмөтө ыҥырыҥ.