Колымана оҕолоро Вилюй уонна Яна диэн ааттаннылар

Колымана оҕолоро Вилюй уонна Яна диэн ааттаннылар

13.04.2024, 19:37
Хаартыска: "Орто дойду" зоопарк
Бөлөххө киир:

Колымана уонна Ломоносов оҕолоругар ааты талыы түмүктэннэ. «Роснефть» хампаанньа «ВКонтакте» социальнай ситимин сирэйигэр куоластааһын муус устар 12 күнүгэр диэри буолбута.  Куоластаабыт дьон 40%-ра Вилюй уонна Яна диэн ааты таллылар.

Хаартыска «Орто-Дойду» зоопарка сайтыттан

Онон 3337 киһи куолаһын Вилюй уонна Яна диэн ааттарга биэрбит. Ил Дархан Айсен Николаев ТГ-ханаалыгар: «Бу ааттары талбыттарыттан ордук үөрдүм, тоҕо диэтэр, Бүлүү уонна Дьааҥы — Саха сирин улуу өрүстэрэ. Саха сирин ураты айылҕатын бэлиэлэрэ буолан, ааттата сылдьыахтара«, — диэн суруйда.

Бу ааттары бастакынан Подольскай куораттан Иван Стребнев эппит эбит. Онон кинини «Роснефть» хампаанньаттан бириис күүтэр.

Кырачааннар Саха сирин өрүстэрин ааттарынан ааттаммыттара атын өттүнэн эмиэ үчүгэй — ийэлэрэ Колымана эмиэ төрүт дойдутун улуу өрүһүн аатын сүгэр.

Санатар буоллахха, «Роснефть» хампаанньа «Орто дойду» зоопаркаҕа баар үрүҥ эһэлэргэ көмөлөһөн «шефтэһэр».  Онтон арҕахтан кулун тутар ыйга тахсыбыт кырачааннар билиҥҥитэ уулла илик сыа хаарга төкүнүйэ оонньууллар, ийэлэрин үүтүнэн эмсэхтэнэллэр, күннэтэ улааталлар, күүһүрэллэр.

Колымана уонна Ломоносов диэн үрүҥ эһэлэр «Орто дойду» зоопаркаҕа төрөөбүт  оҕолоругар ааты таларга сүүһүнэн аат киирбитэ. Ол онтон Вилюй уонна Яна, Лоокуут уонна Ньургуһун, Тима уонна Тома, Эрэл уонна Чолбон, Мир уонна Ника, Руслан уонна Мира, Омолон уонна Анюй, Снежок уонна Снежинка, Туйгун уонна Таптал, Боотур уонна Айкуо диэн ааттары талан, куоластааһыҥҥа таһаарбыттара.

+1
5
+1
0
+1
0
+1
0
+1
1
+1
0
+1
0
Бары сонуннар
Салгыы
16 июня
  • 26°C
  • Ощущается: 26°Влажность: 36% Скорость ветра: 4 м/с

Сообщить об опечатке

Текст, который будет отправлен нашим редакторам: