Координационнай киин байыаннайдарга 100 туонна гуманитарнай көмөнү ыытта

СӨ уопсастыбаннай палаататын бэрэссэдээтэлэ Николай Бугаев өрөспүүбүлүкэ Координационнай киинэ байыаннайдарга 100 туонна кэриҥэ гуманитарнай көмөнү ыыппытын туһунан иһитиннэрдэ. 

Уопсастыбаннай палаата координационнай киинэ  байыаннай сулууспалаахтар дьиэ кэргэттэриттэн киирбит 700 кэриҥэ ыйытыыларын быһаарда. Ону тэҥэ, психологическай босхо көмө оҥоһуллар. Итинник хабааннаах араас өҥөнөн 4900 киһи туһаммыт. «МЫВМЕСТЕ»  ыстаап волонтердара байыаннай эпэрээссийэҕэ ыҥырыллыбыттар 200 дьиэ кэргэттэригэр  көмөлөстүлэр.  «Саха сирин ийэлэрэ» түмсүү нөҥүө 4,5 туонна гуманитарнай көмө хомуллан ыытылынна.  «Саха сирэ эйигин кытта» ыстаап Саха сирин олохтоохторуттан  баһыылкалары хомуйан тустаах аадырыстарга ыыталыыр. Ол курдук, барыта 100 туонна кэриҥэ көмө ыытыллыбыт.