Хаартыска: РБК
Социальнай ситимҥэ «коронавирус омикрон ХВВ көрүҥэ кэллэ, бу вирус тыҥаны тымнытан баран, өлүүгэ тиэрдэр, 5 төгүл сыстыганнаах уонна кутталлаах» диэн күнэ-дьыла биллибэт, куттуур аҥаардаах суруйуу тарҕана сылдьар. Бу иһитиннэрии дьиҥнээх дуо?
Коронавирус «арктур» (ХВВ) омикрон-штамм биир көрүҥэ буолар. Төһө да сыстыганнаах буоллар, ыараханнык ыалдьыы суох, өлүүгэ тиэрдибэт. Кырдьаҕастар, оҕолор уонна мөлтөх иммунитеттаах дьон хабан ылыахтарын сөп.
Ол эрээри, коронавирус «арктур» (ХВВ) көрүҥэ Арассыыйаҕа былырыын тарҕана сылдьыбыта. «Роспотребнадзор» муус устар 18 күнүгэр ыалдьыы бастакы түбэлтэлэрин бэлиэтээбит уонна ханнык да хааччахтыыр миэрэлэри киллэрбэтэх.
«Арктур» (ХВВ) былырыын Индияҕа, Сингапурга, АХШ-ка, Кытайга, Германияҕа киэҥник тарҕана сылдьыбыта, барыта 29 дойдуга бэлиэтэммит.
Онон, бу иһитиннэрии сымыйа буолан тахсар — быйылгы буолбатах, былырыыҥҥы иһитиннэрии тарҕана сылдьар эбит.
Саха сиригэр коронавирус «омикрон» штамма 2022 сыллаахха бэлиэтэммитэ, ол эрээри ыарыы чэпчэкитик киирэр буолан, ыалдьыы долгуна этэҥҥэ ааспыта. Бу кэмтэн элбэх дьоҥҥо иммунитет үөскээн, хамсык «хаптайан» барбыта. Онтон коронавирус «арктур» (ХВВ) көрүҥэ бэлиэтэммэтэҕэ.
Экэнэмиичэскэй пуорумҥа Социальнай чинчийиилэр эспиэртиир институттара (АНО ЭИСИ) кыттыылаах Уһук Илиҥҥи эрэгийиэннэр салайар быраактыкаларыгар социальнай…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Владивостокка Уһук Илиннээҕи федеральнай университет кампуһугар саамай былыргы сэлии тобохторо угуллубут саркофагын аҕаллылар. Илиҥҥи экэнэмиичэскэй…
Сахабыт сирин агрооскуолалара сылын ахсын оҕуруот аһын арааһын олордоллор, оскуолаларын дьэрэкээн сибэккинэн симииллэр. Олортон биирдэстэринэн…
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…
Арассыыйаҕа балаҕан ыйын 1 күнүттэн суол быраабылаларыгар уларытыылар олоххо киириэхтэрэ, оҕо кириэһилэтигэр ирдэбил кытаатыаҕа. Быраабы…