Хаартыска - СӨ Ил Дарханын уонна Бырабыыталыстыбатын пресс-сулууспатын саайтыттан.
Бу күннэргэ академик Л.В. Киренскэй аатынан Амматааҕы лицейгэ «Космоска турунуу» бырайыак чэрчитинэн 8-11 кылаас оҕолоругар «Математика», «Физика», «Английскай тыла», «История» уонна «Дойду космонавтикатын аныгы балаһыанньата» өрөспүүбүлүкэтээҕи олимпиада сүүмэрдиир түһүмэҕэ ыытылла турар.
Иккис түмүк түһүмэх кулун тутар бүтэһигэр Дьокуускай куоракка Саха-политехническай лицейгэ ыытыллыаҕа. 2018 сыллаахха “Космоска турунуу” бырайыак идиэйэтин Ил Дархан Айсен Николаев өйөөбүтэ.
Олимпиада кыайыылаахтара «Циолковскай» ЗАТО-ҕа, «Восточнай» Космодром космическай инфраструктуратын эбийиэктэринэн сылдьыахтара. Маны таһынан, Ю.А. Гагарин аатынан космонавтары бэлэмниир научнай чинчийэр киин» ФГБУ баазатыгар «Звёзднай городок» ЗАТО-ҕа үөрэниэхтэрэ. Өссө Хаҥалас улууһун Өктөм нэһилиэгэр СӨ Бастакы Бэрэсидьиэнэ Михаил Николаев архыып-бибилэтиэкэтигэр- Николаев-Кииҥҥэ «Гиганнар санныларыгар» бырайыакка кыттан, лиэксийэлэри истиэхтэрэ, маастар-кылаастарга кыттыахтара.
«Кылаабынайа, Саха сирин оҕолоро космонавт, лүөччүк идэлэригэр уһуйуллан, авиакосмическай үөрэҕи баһылыыллара наада», — диэн лицей научнай-методическай үлэтин сүрүнннээччи Александра Давыдова бэлиээтээтэ.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…