Хаартыска: Мария Васильева, СИА
Дьокуускай куоракка Аҕа дойду Улуу сэриитин сылларыгар өлбүт биир дойдулаах буойуннарга анаммыт пааматынньык-тааҥкаҕа информационнай табличканы үөрүүлээх быһыыга-майгыга ииллилэр. Бүгүҥҥүттэн Саха сиригэр култуура эбийиэктэригэр информационнай табличкалары иилии аахсыйата саҕаланна.
«Муус устар 18 күнүгэр пааматынньыктар уонна историческай миэстэлэр норуоттар икки ардыларынааҕы күннэрэ бэлиэтэнэр. Бырааһынньык күнүгэр Саха сирин үрдүнэн култуура эбийиэктэригэр информационнай табличкалары туруоруу аахсыйата саҕаланна. Бүгүн биһиги бастакы табличканы Аҕа дойду Улуу сэриитин сылларыгар өлбүт биир дойдулаах буойуннарга анаммыт пааматынньык-тааҥкаҕа ииллибит. Бүгүн өрөспүүбүлүкэҕэ барыта 15 паааматынньыкка итинник бэлиэ иилиллиэҕэ», — диэн СӨ Култуура уонна устуоруйа эбийиэктэрин харыстыыр департамент салайааччытын солбуйааччы Гаврил Михайлов иһитиннэрдэ.
Быйыл департамент 300-тэн тахса информационнай табличканы оҥотторбут. Сыл бүтүөҕэр диэри бэлиэлэр өрөспүүбүлүкэ үрдүнэн баар судаарыстыба көмүскэлэригэр киирэр култуура уонна устуоруйа эбийиэктэригэр иилиллиэхтэрэ. Гаврил Михайлов эппитинэн, аахсыйа кэлэр сылга эмиэ ыытыллыаҕа.
Бастакы информационнай табличка үөрүүлээх туруоруутугар СӨ уопсастыбаннай балаататын бэрэссэдээтэлэ Николай Бугаев, Устуоруйа уонна култуура пааматынньыктарын харыстыыр уопсастыба региональнай отделениятын бэрэссэдээтэлэ Руслан Васильев, Дьокуускай кылаабынай архитектора Семен Сергеев кытыннылар.
Бүгүн, ахсынньы 15 күнүгэр, Дьокуускай куорат 202 микрооройуонугар "Патриот" ыччат киинэ аһылынна. Үөрүүлээх бэлиэ түгэҥҥэ…
Бүгүн үөрэх эйгэтигэр улахан үөрүүлээх, бэлиэ түгэн үүннэ - Арктикатааҕы култуура уонна ускуустуба судаарыстыбаннай института…
Ил Дархан Айсен Николаев "Быһа биэриигэ" чугастааҕы күннэргэ Дьокуускайга "Спортивнай" түөлбэҕэ элбэх хайысхалаах успуорт комплекса…
2025 сыл ахсынньы 13 күнүгэр 13 чаас 30 мүнүүтэ ааһыыта Арассыыйа ИДьМ Мэҥэ Хаҥалас улууһунааҕы…
Өрөспүүбүлүкэтээҕи Ийэ хапытаалын дьайыытын кэҥэтэр туһунан былырыын Айсен Николаев Ил Түмэҥҥэ туһаайбыт Анал этиитигэр, кылгас…
Бүгүн, ахсынньы 15 күнүгэр, СӨ Бырабыыталыстыбатын уонна Дьаһалтатын салайааччыларын кытары ыытыллыбыт пленарнай мунньахха Саҥа дьыл…