Хаартыска: улуус дьаһалтатын пресс-сулууспата
Бу күннэргэ анал байыаннай дьайыы зонатыгар бу сылга бастакы гуманитарнай сырыынан Үөһээ Бүлүү улууһуттан 4 нэһилиэк баһылыктара айанныахтара.
Ол курдук, кулун тутар 13 күнүгэр Үөһээ Бүлүүтээҕи киин бибилэтиэкэҕэ айаҥҥа турунар дэлэгээссийэни уонна хомуллубут гуманитарнай баһыылкалары алгыс сиэрэ-туома ыытылынна. Кулун тутар ый бүтүүтэ анал байыаннай дьайыы зонатыгар айанныыр Үөһээ Бүлүү улууһун дэлэгээссийэтин улуус баһылыгын дьаһалтатын дьыалаҕа салайыыга солбуйааччы Михаил Егоров салайыаҕа.
Маны сэргэ, Үөһээ Бүлүү улууһун дэлэгээссийэтин састаабыгар киирдилэр: Үөһээ Бүлүү улууһун дьаһалтатын ЕДДС салайааччыта Егор Прокопьев, Кэнтик нэһилиэгин баһылыга Сергей Федотов, Харбалаах нэһилиэгин баһылыга Константин Платонов, Хоро нэһилиэгин баһылыга Альберт Иванов, Дүллүкү нэһилиэгин баһылыга Николай Романов. Хомуллубут гуманитарнай баһыылкалары Үөһээ Бүлүүттэн Дьокуускай куоракка ыытылынна. Салгыы Дьокуускай куораттан Донецкайга дылы айанныаҕа. Гуманитарнай баһыылкалары таһынан анал пуондаҕа улуус тэрилтэлэрин үлэһиттэриттэн биир күннээҕи хамнастарыттан уопсайа 4660669 солк. үп-харчы хомуллубут. Киирбит үбүнэн-харчынан сэрии хонуутугар байыастарга туһалаах байыаннай тэриллэри тиксэрэр былааннаахтар. Маны сэргэ Үөһээ Бүлүүтээҕи киин балыыһаттан «УАЗ Патриот» массыына гуманитарнай көмө быһыытынан тиэрдибит.
«Кыайыыга кылааттарын киллэрсибит бар дьоммутугар, Үөһээ Бүлүү улууһун олохтоохторугар, урбаанньыттарга барҕа махталбытын тиэрдэбит, түмсүүнэн — Кыайыыга!» — диэн улуус баһылыга Валерий Николаев ТГ-ханаалыгар иһитиннэрдэ.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…