Ааптар хаартыската
Бүгүн, Саха Өрөспүүбүлүкэтэ төрүттэммит үөрүүлээх күнүн, Бүлүү улууһун Чочу уонна Кыадаҥда нэһилиэгин олохтоохторо сарсыардаттан олох уратытык бэлиэтээн саҕалаатылар.
Биһиги Кыадаҥдаҕа тиийиибитигэр дьон «билигин массыыналар параадтаан кэлиэхтэрэ» дии көрүстүлэр. Кинилэр үөрүүлээх сонуннарын кэпсии тоһуйдулар.
Сотору буолаат, массыыналар көһүннүлэр.
Өрөспүүбүлүкэ биллиилээх судаарыстыбаннай уонна бэлитиичэскэй диэйэтэлэ Гавриил Чиряев төрөөбүт дойдутугар, кини үтүө аатыгар сүгүрүйэр, чиэстиир үөрүүлээх миитиннэрэ буолла.Тыа сирин олохтоохторо ССКП Саха уобаластааҕы кэмитиэтин 17 сыл салайан, Саха сирин сайдыытын түстэспит киэн туттар, ытыктыыр биир дойдулаахтарын өрүү ахта-саныы, махтана сылдьаллар. Муус устар 4 күнүгэр чочулар уонна кыадаҥдалар Гавриил Иосифович Чиряев төрөөбүтэ 98 сааһын бэлиэтээн ааспыттар.
«Чочу нэһилиэгэ» МТ баһылыга Петр Догоюсов эҕэрдэ тылыгар Саха сирин судаарыстыбаннаһын төрүттээбит дьону истиҥ тылынан аҕынна.
Улуус баһылыгын 1-кы солбуйааччы Иван Евсеев эҕэрдэ тылыгар Гаврил Иосифович Чиряев Саха сирэ сайдыытыгар кылаатын бэлиэтээтэ.
Миитин кыттыылаахтара Саха Өрөспүүбүлүкэтэ бигэ туруктаах, тирэхтээх буолуутугар сүҥкэн кылаатын, олоҕун чаҕылхай күннэрин анаабыт биир дойдулаахтарыгар, саха саарына, биллиилээх бэлитиичэскэй уонна судаарыстыбаннай диэйэтэл Гаврил Чиряев пааматынньыгар тыыннаах сибэкки дьөрбөтүн уонна гирлянда уурдулар.
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…