Кыайыы 80 сылыгар сыыппара ураты бырайыагын саҕалаатылар  

Аҕа дойду Улуу сэриитигэр кыайыы 80 сылын иннинэ ураты бырайыагы саҕалаатыгар – Бүтүн Арассыыйатааҕы “Кыайыы 80 сыла!” https://may9.ru/ саайты.

Сыыппара былаһааккатыгар байыаннай сыллар сүрүн түгэннэрин, дьоруой куораттар туһунан иһитиннэрии  түмүлүннэ, ону сэргэ, хаартысканан архыыбы уонна тиэмэлэринэн киинэлэри көрүөххэ сөп.

Ураты болҕомто тус устуоруйаларга уурулунна. Саайтка сэрии кыттыылаахтара фронтан ыыппыт дьиэтээҕи хаартысканан альбомнарын уонна суруктарын түмтүлэр. Бу матырыйааллар ол ыар сылларга дьон тугу тулуйан ааспыттарын өйдүүргэ көмөлөһөллөр.

“Аахсыйалар” баска үбүлүөйгэ аналлаах дойду үрдүнэн ыытыллар тэрээһиннэр халандаардарын билиһиннэрэллэр. Манна эһиги “Кыайыы ааҕыытын”,  “Өлбөт үйэлээх полк”, “Георгиевскай лиэнтэ”  о.д.а. иһитиннэриилэри булуоххут.

Ону тэҥэ, бырааһынньыктааҕы тэрээһиннэр туһунан бары иһитиннэриилэри “ВКонтакте” (https://vk.com/may9_ru), «Одноклассники» (https://ok.ru/may9) социальнай ситимнэртэн уонна «80 лет Великой Победе» (https://t.me/may_9_ru) телеграм-каналтан булуоххутун сөп.

Ил Дархан уонна Бырабыыталыстыба пресс-сулууспата.