Хаартыска: Мария Васильева, СИА.
Бүгүн үөрүүлээх быһыыга-майгыга Кыайыы болуоссатыгар Дьокуускайдааҕы кадеттар интэринээт-оскуолаларын “Бүтэһик чуораана” тэрээһин буолан ааста. Тустаах оскуола тохсус кылааһын 18, уон биирис кылааһын 22 оҕо бүтэрэр.
Биэс сыл устата үөрэммит, араас сатыбылга уһуйуллубут оҕолор иитиллэн олох киэҥ аартыгар үктэнэр үөрүүлээх күннэрэ. Манна оскуоланы бүтэрээччилэр Кадетскай интэринээт-оскуола знамятын 10-с кылаастарга туттарыыларын, куорпус знамятын кытта быраһаайдаһыыларын долгутуулаах түгэннэрэ буоллулар.
Бэлиэ тэрээһиҥҥэ оҕолору Үөрэх уонна билим миниистирэ Нюргуна Соколова, СӨ Суут приставтарын федеральнай управлениетын салайааччыта Сергей Чеглаков, СӨ накаастабылы толорор федеральнай сулууспа управлениетын начаалынньыгын солбуйааччы Светлана Серебрякова, СӨ Аҕа дойдуну көмүскүүр буойуннар дьиэ кэргэттэрин кэмитиэтин салайааччытын эбээһинэһин толорооччу Лена Иванова, Сэрии, үлэ, сэбилэниилээх күүстэр уонна быраабы араҥаччылыыр уорганнар бэтэрээннэрин сэбиэттэрин бэрэссэдээтэлэ Вильям Очиров, төрөппүттэр, учууталлар, уо.д.а. кэлэн эҕэрдэлээтилэр.
Үөрэх уонна билим миниистирэ Нюргуяна Соколова: “Иннигитигэр үс сайыҥҥы эппиэтинэстээх ый күүтэр. Туруоруммут соруккут барыта туоларыгар баҕарабын. Эксээмэннэргитин ситиһиилээхтик туттаран, аттестаттаргытын ылан, идэҕитин сөпкө таларгытыгар. Кадеттар оскуолаларыгар киирэн эһиги бэйэҕит гражданскай көрүүгүтүн биллэрдигит” – диэн эттэ. Кадеттар интэринээт-оскуолаларын кэлэктиибигэр махталын биллэрдэ. Үөрэх саҥа куорпуһа балаҕан ыйыттан аанын арыйан, саҥа уораҕайга үлэлииригэр эрэллээҕин эттэ.
Үөрүүлээх тэрээһиҥҥэ таһаарыылаах үлэлээх үлэһиттэри, оскуола, оҕолорун туһугар сыраларын уурар, кыһаллар төрөппүттэргэ махтал суруктары туттардылар.
Оскуола боруогун атыллаан олох киэҥ аартыгар үктэнээри сылдьар Айсен Дьяконов: “Мин Кэбээйи улууһуттан төрүттээхпин. Кадеттар оскуолаларыгар 2019 сыллаахха киирбитим. Оскуолаҕа олус үчүгэйдик үөрэтэллэр, учуталларбыт барытын быһааран биэрэллэр. Оскуола олоҕуттан былырыын кылааһынан Перьмҥа күрэхтэһиигэ баран стиһиилээхтик кыттан кэлбит түгэммин ордук өйдөөн хаалбыппын. Барыларыгар махтал” ,– диэн кылгастык санаатын үллэстэр.
Саха ыалын сиэрэ-туома. Оҕолоноору сылдьар дьахтар тугу билиэхтээҕий, тутһуохтааҕый? Бу туһунан истибиккит, билэҕит дуо? Төрүүр…
Дьокуускайга «Гражданскай уопсастыба: Кыайыы туһугар сомоҕолоһуу» диэн суолталаах пуорум балаҕан ыйын 9-10 күннэригэр ыытыллаары турар. Манна…
Саха сирин тирэх пууннарын үлэһиттэрэ нэдиэлэ устата 18 сырыыны оҥордулар. Ол түмүгэр Саха сириттэн сылдьар…
Дьокуускайдааҕы кадеттар оскуолаларыгар "Юнармия" ыччат, оҕолор байыаннай-патриотическай хамсааһыннарын сүлүөтэ саҕаланна. Сүлүөккэ Алдан, Амма, Бүлүү, Мэҥэ…
Усуйаана улууһун Силээннээх национальнай нэһилиэгэр (Сайылык сэл.) балаҕан ыйын 14 күнүгэр нэһилиэк баһылыгын быыбара буолуохтаах.…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…