Саха сиригэр «Георгиевскай лиэнтэ» аахсыйа саҕаланна

Кыайыы күнүгэр анаан, муус устар 24 күнүттэн, Бүтүн Арассыыйатааҕы «Георгиевскай лиэнтэ» аахсыйа саҕаланна.

СӨ Ил Дархана Айсен Николаев бэлиэтииринэн, Улуу Кыайыы күнүнэн георгиевскай лиэнтэни кэтии дойдуга бэриниилээх буолууну көрдөрөр. Бу аахсыйа суолтата өссө үрдээн, улаатан турар.

«Дьокуускайга Кыайыы волонтердара лиэнтэлэри Кыайыы, Доҕордоһуу, Ленин, Орджоникидзе болуоссаттарыгар, «Московскай» эргиэн киинин иннигэр былаһааккаҕа уонна Кыайыы пааркатыгар 16:00 — 19:00 ч. дьоҥҥо түҥэтэллэр.  Өрөспүүбүлүкэ улуустарыгар уопсастыбаннай миэстэлэргэ, искибиэрдэргэ, былаһааккаларга», — диэн «Кыайыы волонтердара» Арассыыйатааҕы уопсастыбаннай хамсааһын эрэгийиэннээҕи отделениетын салайааччытын э.т. Тимур Егоров иһитиннэрэр.

«Георгиевскай лиэнтэ» аахсыйа ыам ыйын 9 күнүгэр диэри ыытыллар.

СӨ Ил Дарханын уонна Бырабыыталыстыбатын пресс-сулууспата