«Кыайыы түннүктэрэ» аахсыйаҕа кыттыһыҥ

Бүгүн, муус устар 30 күнүгэр, Саха сиригэр дойду бары эрэгийиэннэригэр курдук, Аҕа дойду Улуу сэриитигэр Кыайыы 80 сылыгар аналлаах “Кыайыы түннүктэрэ” аахсыйа саҕаланна. Бүтүн Арассыыйатааҕы хампаанньа 2025 сыл муус устар 9 күнүгэр диэри салҕанар.

“Тэрээһиҥҥэ ким баҕарар кыттыан сөп. Бу гражданскай-патриотическай иитии уонна кыайыылаах историяҕа кыттыгас санааны иҥэрэр сыалтан сылын аайы ыытыллар тэрээһин буолар. Эһигини аахсыйаҕа кыттыһаргытыгар, дьиэҕит уонна үлэҕит түннүктэрин киэргэтэн, Арассыыйаҕа биир саамай суолталаах бырааһынньык эйгэтин тэрийэргитигэр ыҥырабыт. Аҕа дойду Улуу сэриитин сылларыгар норуот хорсун быһыытын, бойобуой уонна үлэҕэ ситиһиитин кэриэстиир наадалаах», — диэн өрөспүүбүлүкэ ыччат дьыалаларыгар уонна социальнай коммуникацияларга министиэристибэтиттэн тэрийээччилэр ыҥырдылар.

Бүтүн Арассыыйатааҕы «Кыайыы түннүктэрэ» аахсыйаҕа кыттарга кыбартыыралар, дьиэлэр, офистар, уопсастыбаннай сирдэр түннүктэрин Кыайыы бэлиэлэринэн: георгиевскай лиэнтэлэринэн, кыһыл сулустарынан, бэтэрээннэр хаартыскаларынан, Аҕа дойду Улуу сэриитин тиэмэтигэр уруһуйдарынан, махтал тылларынан киэргэтиэххэ сөп.

Киэргэтиллибит түннүктэри хаартыскаҕа түһэрэн, ВКонтакте социальнай ситимҥэ аахсыйа официальнай хэштегтэринэн: #80кыайыы #КыайыыТүннүктэрэ #ДоброволецВолужник #ГосСтарт #Якутия диэн суруллубут буолуохтаахтар.