“Кыайыы түннүктэрэ” Бүтүн Арассыыйатааҕы аахсыйа ыытыллыаҕа

Саха сирин олохтоохторо муус устар 30 күнүттэн ыам ыйын 9 күнүгэр  диэри Аҕа дойду Улуу сэриитигэр Кыайыы 80 сылыгар аналлаах “Кыайыы түннүктэрэ” Бүтүн Арассыыйатааҕы аахсыйаҕа кыттар кыахтаныахтара.

-«Кыайыы түннүктэрэ”  аахсыйа – биһиги бэтэрээннэрбитигэр, Аҕа дойду Улуу сэриитин кыттыылаахтарыгар уонна тыл бэтэрээннэригэр махталы биллэрэр, өлбүттэри кэриэстиир уонна сэбиэскэй норуот дьоруойдуу быһыытын устуоруйатын эдэр көлүөнэҕэ тириэрдэр кыах. Аахсыйа чэрчитинэн, Кыайыы күнүн кытары сибээстээх бэлиэнэн олорор дьиэҕит, кыбартыыраҕыт, тэрилтэлэр уонна оскуолалар түннүктэрин киэргэтии”, — диэтэ СӨ бырабыыталыстыбатын  бэрэссэдээтэлин солбуйааччы Ольга Балабкина.

Аахсыйаҕа ким баҕарар кыттар. Киэргэтиллибит түннүктэри хаартыскаҕа түһэрэн баран, #ОкнаПобеды, #80победа, #Якутия, #СахаСирэ, #Победа, #Память, #ГосСтарт хэштегтары туһанан,

ВКонтакте социальнай ситимҥэ ыытыллар.