Күн-дьыл туруга: сэтинньи 13 күнэ

Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий?

Өрөспүүбүлүкэ соҕуруу өттүгэр сөкүүндэҕэ 15-18 м тиийэ түргэннээх тыалырыа. Түүн -25-30°, халлаан дьайҕардаҕына -35-40°, өрөспүүбүлүкэ арҕаа өттүгэр уонна Халымаҕа хаардаатаҕына -20-25°, хотугулуу-илин, хотугулуу-арҕаа -40-45°, халлаан дьайҕардаҕына хотоол сирдэргэ -48° кыраадыска диэри тымныйыа. Күнүс -20-25°, соҕуруу, соҕуруулуу-арҕаа, Халыма диэки -15-20°, арҕаа -25-30°, хотугулуу-илин, хотугулуу-арҕаа намыһах сирдэргэ -35-40°.

Дьокуускайга күнүс -23-25°, түүн кыралаан хаардыа, күнүс хаар түһэрэ күүтүллүбэт, арҕааттан сөкүүндэҕэ 2-7 м түргэннээх тыаллаах.