Күн-дьыл туруга: сэтинньи 4 күнэ

Саха сирин синоптиктарын билгэлэринэн бүгүн, сэтинньи 4 күнүгэр, Саха сирин үгүс оройуоннарынан тибии, хаар түһэр. Бу туһунан УГМС саайта иһитиннэрэр.

Кыралаан хаардыыр, соҕуруу сорох сиринэн силлиэ тыаллаах, Арктика оройуоннарынан уонна арҕаа, соҕуруу улуустарынан күүстээх тыал сөкүүндэҕэ 9-14 м. диэри түргэннээх.

Салгын температурата түүн  -18-23°, халыннаҕынан -28-33°, хотугулуу-илин, намыһах сирдэринэн -35-40°, күнүс -12-17°, хотугулуу-илин, хотугулуу-арҕаа -19-24°, намыһах сирдэринэн -24-29°, соҕуруу түүн уонна күнүс -2-7° кыраадыс тымныы.

Дьокуускайга салгын температурата түүн -19-21°, күнүс -17-19° кыраадыс тымныы. Түүн, күнүс кыралаан хаардыыр, хотугулуу-арҕаа сөкүүндэҕэ 3-8 м. түргэннээх тыаллаах.