Хаартыска: В.И. Степанова тиксэриитэ.
Кэнники сылларга Ньурба улууһун Күндээдэ сэлиэнньэтигэр хас да социальнай эбийиэктэр тутулуннулар. Бу туһунан «Кэнчээри» уһуйаан сэбиэдиссэйэ Венера Ивановна Степанова санаатын үллэстэр.
— 2019 сыллаахха уһуйааммыт судаарыстыбаннай-чааһынай партнерство бырагырааматынан тутуллубута. «Эрэгийиэн сайдыыта» ХЭТ Ньурбатааҕы тэрилтэтин салайааччы Альберт Васильев бастакы үбүн уган, тутан дьэндэтэн таһаарбыта. 50 миэстэлээх, толору хааччыллыылаах, типовой бырайыактаах таас дьиэ тутуллуоҕуттан, үлэлиир усулуобуйабыт лаппа тупсубута, үчүгэй өттүгэр элбэх уларыйыы тахсыбыта. Сырдык, киэҥ-куоҥ дьиэҕэ саҥа миэбэл, анал тэрил кэлэн, оҕо сайдар эйгэтэ олохтоммута.
Оскуолабыт урукку «Күндээдэ» сопхуос эргэ дьиэтигэр баара. 2 этээстээх, эргэ мас дьиэ, кып-кыараҕас көрүдүөрдэрдээх, кылаастардаах этэ. 2023 сыллаахха туспа спортивнай, аактабай саалалардаах, саҥа таас оскуола тутуллан, оҕолор, төрөппүттэр, учууталлар үөрүүлэрэ улахан. Саҥа оскуолаҕа оҕолор ситиһиилэрэ да үксээтэ. Олохтоох эдэр учууталлар үлэлииллэр. Учууталлар династияларын бэрэстэбиитэлэ, физкултуура учуутала Эллэй Ахмедович Дмитрьев Бүлүү бөлөх улуустарыгар ыытыллыбыт «Эр дьон учууталлар пуорумнарыгар» кыттан, анал номинацияҕа тиксэн, былырыыҥҥы кыайыылаах бирииһин ылан кэлбитэ.
Онтон быраастаах амбулатория дьиэтэ «Доруобуйа харыстабыла» национальнай бырайыагынан тутуллан, Күндээдэ олохтоохторо эмиэ үөрүүбүт үрдээтэ. Аны эргэ кулууппут бу бырайыакка киирсэн, тутуллан хаалара буоллар, олох үчүгэй буолуо этэ.
Тыа сиригэр да, куораттарга да национальнай бырайыактар үлэлииллэрэ хайҕаллаах суол. Ордук тыа сиригэр бырайыактар үлэлииллэрэ ирдэнэр — ол аата тыа сирэ аныгы олох хаамыытыттан хаалбакка, сайдан иһэрэ улахан суолталаах. Төһөнөн элбэх социальнай эбийиэк тутуллар, суол-иис оҥоһуллар, интэриниэт киирэр — соччонон ыччат дьон, эдэр ыал олохсуйар, оҕо төрүүр, ол аата нэһилиэк кэхтибэт кэскиллэнэр. Эдэр исписэлиистэр кэлэн үлэлииллэр, олохсуйаллар.
Куораттыы усулуобуйалаах, сырдык, киэҥ, саҥа уһуйааҥҥа сылдьыбыт, толору хааччыллыылаах оскуолаҕа үөрэммит оҕо өйө-санаата эмиэ сырдык, киэҥ буолар — мин төрөөбүт дойдубар сайдыы барар, үөрэхтэнэн баран, эргиллэн кэлиэм диэн өйдөбүл үөскүүр. Бу — тыа сирин сайдар суола.
Бэҕэһээ “Саха сирэ” саайтка тыатааҕы баахта бөһүөлэктэригэр эҥин киирдэҕинэ, хайдах дьаһанар туһунан сүбэ тахсыбыта. Онно…
Ил Түмэҥҥэ “Оҕо туризмын, сынньалаҥын, доруобуйатын бөҕөргөтүү аныгы туруга уонна сайдыыта” диэн ааттаах “төгүрүк остуол”…
Байыаннай сулууспаҕа талыы кэлим киинигэр хантарааҕынан сулууспалыы барыан баҕалаах дьон доруобуйатын туругун бэрэбиэркэлээһин үлэтэ тупсарыллар.…
Өлүөнэ өрүскэ муус Кангаласс бөһүөлэгин аттынан хамсаата уонна Нам улууһун сиригэр-уотугар чугаһаан эрэр диэн Гражданскай…
Ыксаллаах быһыыны-майгыны сэрэтэр, туоратар хамыыһыйа мунньаҕын түмүгүнэн, вице-премьер Дмитрий Садовников Халыма өрүскэ уу таһыма үрдээн…
Волгоград анныгар Саха сириттэн буойун уҥуоҕун уонна сэдэх түөскэ кэтиллэр бэлиэни буллулар. Волгоградскай уобалас Городищенскай…