“Кындыкаан” хореография академията космонавтарга баҕа санаатын тириэртэ

«Кындыкаан” этно-акробатика хореографиятын академиятын оҕолоро Космонавтика күнүгэр дойду космонавтарыгар суруйдулар.

«Убаастабыллаах космонавтар! Биһиги өрөспүүбүлүкэбит РФ-га саамай улахан сирдээх-уоттаах, ону космоска көтөргүтүгэр мэлдьи көрөҕүт”, — диэн суруйдулар.

Дьокуускай куорат 5 “б” кылааһын үөрэнээччитэ Саша Оленова:

«Биһиги доҕотторбутун уонна бииргэ үөрэнэр оҕолорбутун кытары сыл аайы  Ю.А.Гагарин аатынан Космонавтары бэлэмниир киин ыытар “Сулустаах эстафета” куонкуруһугар кыттабыт. Онон биһиги сөбүлүүр Кындыкааммыт персонаһын космоска ыытыахпытын баҕардыбыт.

Хотугу сир  биһиги планетабыт акылаата буоларын аан дойду барыта билиэн баҕарабыт. Ол иһин,  космонавтар биһиги Кындыкааммытын космоска көтөллөрүгэр илдьэ барыахтарын баҕаран, этии киллэрдибит”, — диэн баҕа санаатын үллэһиннэ.

Кындыкаан куукуланы оҥорорго  Хаарчаана Баппаҕай көмөлөстө. Хорсун санаалаах Кындыкаан скафандрыгар “Азия оҕолоро” успуорт норуоттар икки ардыларынааҕы оонньууларын логотиба сыһыарылынна.