Күннээҕи гороскоп: тохсунньу 10 күнэ

Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый Игирэлэр бэлиэлэригэр сылдьар буолан, кэпсэтиигэ, санаа атастаһыытыгар тардар. Онон доҕотторгутун, чугас дьоҥҥутун кытта алтыһартан туттунумаҥ.

Хой 

Энергияҕыт элбэх, ол эрээри, ыксаамаҥ, барытын болҕомтолоохтук оҥоруҥ. Сыыһа-халты туттуоххутун сөп. Чугас киһигит сүбэтин истиҥ, истиҥ кэпсэтии элбэх кыһалҕаны быһаарыа.

Оҕус 

Үп-харчы боппуруоһун быһаарарга табыгастаах күн. Барытын ырыҥалаан көрүҥ. Саҥа идиэйэлэр киириэхтэрин сөп, олору болҕойон ылыныҥ. Киэһэ дьиэҕэ сынньалаҥы талыҥ.

Игирэлэр 

Бүгүн эһиги күҥҥүт! Дьону кытта кэпсэтэр, саҥаны билэр-көрөр, санаа атастаһар наадалаах. Эһиги тылгытын-өскүтүн дьон истэр. Ол эрээри, мээнэҕэ эрэннэримэҥ, тылгытыгар эппиэтинэстээх буолуҥ.

Араак 

Ис туруккутун иһиллииргэ табыгастаах кэм. Соҕотохсуйуоххутун, толкуйга түһүөххүтүн сөп. Чугас дьоҥҥутун кытта аһаҕастык кэпсэтиҥ. Дьиэ кэргэҥҥэ болҕомтоҕутун ууруҥ.

Хахай 

Бүгүн айымньылаах үлэҕэ ылсыҥ. Дьон болҕомтотун тардартан тохтуу түһүҥ. Доҕотторгуттан көмө кэлиэн сөп, кинилэртэн сүбэ көрдүүртэн кыбыстымаҥ.

Кыыс 

Бэрээдэги олохтуурга, былааннары сурунарга, дьиэни-уоту хомуйарга бастыҥ күн. Кыра-кыралаан эрэллээхтик иннигит диэки баран иһиҥ. Доруобуйаҕытын көрүнүҥ, битэмииннээх аһы аһааҥ.

Ыйааһын

Сыһыаннары бөҕөргөтөр кэм. Партнердары, доҕоттору кытта көрсүһүү ситиһиилээх буолуо. Кэрэни кэрэхсээҥ, сынньалаҥҥытын туһалаахтык атаарыҥ – быыстапкаҕа, киинэҕэ сылдьыҥ. Үлэҕитин уонна сынньалаҥы тэҥҥэ дьүөрэлээҥ.

Скорпион 

Бу күнү дириҥ толкуйга, бэйэни сайыннарыыга анааҥ. Атын дьон санаата эһигини аралдьыппатын. Тус олоххутугар уларыйыылар күүтэллэр, ол эрээри ыксаабакка эрэ дьаһаныҥ.

Охчут 

Саҥаны билиэх-көрүөх баҕа улаатар. Айаннары былаанныырга, саҥа кинигэни ааҕарга табыгастаах. Алыс элбэҕи эрэннэримэҥ, күүскүтүн сөпкө сыаналааҥ. Кэскилгит туһунан толкуйдааҥ.

Чубуку 

Эһиэхэ бу күн күүс-уох эбиллэр. Карьераҕа, уһун болдьохтоох былааннарга үлэлииргэ тоҕоостоох. Лидер быһыытынан бэйэҕитин көрдөрүҥ, дьон эһигини батыһыа.

Күрүлгэн 

Доҕотторгутун, биир санаалаахтаргытын кытта алтыһыҥ. Саҥа, ураты бырайыактар кэлиэхтэрэ. Инникигэ эрэлгит күүһүрүө. Информационнай технологиялары кытта сибээстээх дьыалалар ситиһиилэниэхтэрэ.

Балыктар 

Айар куккут уһуктар. Ол эрээри, күннээҕи соруктаргытын умнумаҥ. Дьиэ кэргэҥҥэ болҕомтоҕутун ууруҥ.