Күннээҕи гороскоп: алтынньы 26 күнэ

Бүгүн өрөбүл – ураты күүстээх күн. Өрөбүл күн бэйэтэ Күн салайар күнэ, оттон ол Күммут Скорпион бэлиэтигэр киирэн, күүһэ-уоҕа өссө дириҥээбит. Ол аата, бүгүн киһи ис туруга, санаатын күүһэ, кистэлэҥ баҕалара уһуктар кэмнэрэ. Онуоха эбии, Ый Ыйааһын бэлиэтигэр сылдьар, ол эбэтэр кини биһигиттэн дьон ортотугар эйэни, кэрэни, дьүөрэлэһиини ирдиир. Онон бу күн сүрүн соруга – бэйэҥ дириҥ иэйиигин таска таһаараргар атын дьону кытта тэҥнэбили, дьүөрэни тутуһуу буолар. Хахай бэлиэтигэр Марс планета айар эрчими, оттон Араакка баар Дьылҕа хаан планетата Юпитер дьиэ кэргэҥҥэ үтүө алгыһын ыытар. Онон, сулустар хас биирдии бэлиэҕэ тугу сүбэлииллэрий?

Хой

Күүстээх иэйии, эрчим эйигин баһылыа. Чугас киһигин кытта кэпсэтиигэр тылгар-өскөр болҕомтолоох буол. Кистэлэҥ кэпсэтии, урукку боппуруос көтөҕүллэн кэлиэн сөп. Бэйэҥ санааҕын аһары баһымтата сатаама, дьүөрэлэһиини көрдөө. Киэһэ эрэллээх доҕоргуттан сүбэ көрдөө.

Оҕус 

Бүгүн эн сүрүн болҕомтоҥ доруобуйаҕар уонна чугас киһигэр туһаайыллар. Партнеруҥ эйигиттэн болҕомтону эрэйиэ. Күннээҕи түбүккүн быыһыгар сынньанарга бириэмэ бул. Туһалаах аһы аһаа, кэрэҕэ сыһыаннаах киинэни көр, дууһаҕын сынньат. Эйэлээх буолуу – эн сүрүн күүһүҥ.

Игирэлэр

Күннээҕи үлэҕэр айар тыыны киллэрэргэ табыгастаах күн. Күрүө-хаһаа үлэтин даҕаны сэргэхтик, оонньуу курдук оҥоруоххун сөп. Оҕолоргун кытта алтыс, сөбүлүүр дьарыккар кыратык да буоллар бириэмэ анаа. Саҥа идиэйэ киирэрэ күүтүллэр, ону сурунан кэбис, кэлин туһалыа.

Араак 

Дьиҥнээх дьоллоох өрөбүл! Дьылҕа хаан планетата Юпитер эн бэлиэҕэр туран, үтүө алгыһын тото ыытар. Дьиэ кэргэҥҥин кытта бииргэ буол, үөрэ-көтө сынньаҥ. Ким эрэ кэһиилэниэн, ким эрэ истиҥ тыллары истэн дуоһуйуо. Айар-тутар дьоҕуруҥ уһуктар, хоһоон суруй, уруһуйдаа – дууһаҥ тугу баҕарарынан олор.

Хахай 

Эн бэлиэҕэр Марс планета турар, онон эрчимэ суох хаалар кыаҕыҥ суох. Ол күүскүн дьиэҕэр-уоккар туһаай. Дьиэни хомуйуу, кыра өрөмүөн үлэтэ ситиһиилээх буолуо. Чугас дьоҥҥун кытта кэпсэттэххинэ, тылгар сэрэхтээх буол. Кэпсэтиинэн эрэ эйэни түстүөххүн сөп.

Кыыс 

Бүгүн эн тылыҥ-өһүҥ күүһүрэр. Суолталаах кэпсэтиигэ, санаа атастаһыытыгар кытыннаххына, элбэҕи ситиһиэҥ. Ол эрээри, ороскуокка сэрэхтээх буол. Наадата суохха харчыгын ыһыма. Кыра айаҥҥа барар буоллаххына, суолуҥ этэҥҥэ буолуо. Саҥа билиини ылынарга тоҕоостоох күн.

Ыйааһын 

Ый эн бэлиэҕэр сылдьар, онон бүгүн иэйииҥ күүстээх, уларыйа сылдьыан сөп. Болҕомтоҥ барыта бэйэҕэр туһаайыллар. Бэйэҕин хайдах сыаналыыгын, тугунан баайгыный диэн толкуйдуур кэмиҥ. Сынньалаҥ эйиэхэ хайаатар да наада. Маанытык таҥнан, кэрэ сиргэ сылдьан кэл, дууһаҥ сынньаныа.

Скорпион 

Күн эн бэлиэҕэр турар, онон эн – бүгүҥҥү күн сүрүн дьоруойаҕын! Күүһүҥ-уоҕуҥ муҥутуурдук элбэх, ол эрээри Ый эйигиттэн соҕотохсуйууну, бэйэҥ ис туруккун иһиллиири эрэйэр. Күнү быһа сүүрэр-көтөр оннугар, чуумпуга олорон инники былааннаргын толкуйдаа. Интуицияҥ күүһүрэриттэн туһан.

Охчут 

Доҕотторгун кытта көрсөргө табыгастаах күн, ол эрээри кинилэр ортолоругар да соҕотохсуйуох курдук сананыаҥ. Дууһаҥ дириҥ толкуйга барар. Доҕотторуҥ сүбэлэрэ-амалара эйиэхэ тирэх буолуо. Саҥа идиэйэлэри, инники былааннары дьүүллэһиҥ. Ким эмэ көмө көрдөөтөҕүнэ, аккаастаама.

Чубуку 

Карьера, ситиһии туһунан санаалар мэйиигиттэн арахсыа суохтар. Салайааччыгын, үлэҕэр үрдүктүк турар дьону кытта алтыһар түгэниҥ тахсыан сөп. Ол эрээри, өрөбүлгүн умнума. Үлэни уонна сынньалаҥы тэҥҥэ дьүөрэлээ. Доҕотторгун кытта инники былааннарыҥ туһунан кэпсэттэххинэ, туһалаах сүбэни истэн хаалыаҥ.

Күрүлгэн 

Бүгүн эйиэхэ саҥа көрүү, саҥа санаа киириэ. Олоххо философиялыы сыһыаннаһыаҥ. Ыраах айан туһунан, үөрэххэ барыы туһунан толкуй кэлиэн сөп. Бэйэни сайыннарар кинигэни аах, документальнай киинэни көр. Кэскилгин кэҥэтэр, санааҕын сааһылыыр күнүҥ.

Балыктар 

Дириҥ иэйии, чугас дьону кытта истиҥ сыһыан күнэ. Биир эмит кистэлэҥ арыллыан, эбэтэр бэйэҥ тугу эрэ дириҥник өйдүөҥ. Атын киһи үбүн-харчытын, иэһи кытта сибээстээх боппуруостар көтөҕүллүөхтэрин сөп. Интуицияҕын иһит, кини албынныа суоҕа. Саҥаны билэргэ-көрөргө, дууһалыын чугасыһарга табыгастаах кэм.