Күннээҕи гороскоп: балаҕан ыйын 7 күнэ

Бу күн халлаан туруга уларыйымтыа. Ый Күрүлгэн бэлиэтигэр көһөр, ол аата, биһиги доҕордуу-атастыы сыһыаҥҥа, саҥаны айарга, кэлэр кэскили түстүүргэ тардыһыахпыт. Ол эрээри, Марс уонна Сатурн планеталар Араак бэлиэтигэр көрсүһүүлэрэ ис турукка күүрүүнү, мэһэйдэри үөскэтиэн сөп. Бу – быһыы-майгы уонна хааччах утарыта турсууларын кэмэ. 

Хой (21.03 – 20.04)

Бүгүн дьиэтээҕи боппуруостар эбэтэр аймахтары кытта сыһыан болҕомтону эрэйиэхтэрэ. Туох эрэ мэһэйдиир, бытаарар курдук сананыаххын сөп. Ол оннугар, доҕотторгун кытта кэпсэт, санааҕын эт – кинилэр өйөбүллэрэ күүс эбиэ. Кэлэр кэскилгэ саҥа былааннары торумнуур ордук. Дьиэтээҕи түбүккэ баттатыма, доҕотторуҥ көмөлөрүнэн санааҕын көтөх.

Оҕус (21.04 – 21.05)

Кэпсэтиилэргэ сэрэхтээх буол, тылыҥ-өһүҥ сыыһа өйдөнүөн сөп. Айаҥҥа турунартан туттунар ордук. Ол оннугар, үлэҕэр-хамнаскар саҥа, ураты ньымалары киллэрэргэ тоҕоостоох күн. Салайааччылар эн ураты этиилэргин сэҥээриэхтэрэ. Карьераҕар инники хардыыны оҥоруоххун сөп.  Санааҕын сааһылаан баран саҥар, күүскүн үлэҕэр-хамнаскар уур.

Игирэлэр (22.05 – 21.06)

Бүгүн үп-харчы боппуруоһа бастакы миэстэҕэ тахсыа. Күүппэтэх өттүттэн ороскуот тахсыан эбэтэр былааннаммыт дохуот хойутуон сөп. Улахан ону-маны атыылаһыма. Ол оннугар, билиигин-көрүүгүн кэҥэт, саҥа кинигэни аах, интэриэһинэй киинэни көр – бу дууһаҕар уоскулаҥы аҕалыа.  Харчыга сэрэхтээх буол, саҥа билиигэ-көрүүгэ тардыс.

Араак (22.06 – 22.07)

Бүгүн ураты күүрүүлээх күн. Хамсаныаххын, тугу эрэ гыныаххын баҕараҕын, ол эрээри туох эрэ тохтотор, хааччахтыыр курдук. Ис туруккун иһиллээ, доруобуйаҕар болҕомтото уур. Партнеруҥ эбэтэр чугас доҕоруҥ өйөбүлэ эйиэхэ тирэх буолуо. Бүгүн бэйэҕин харыстан.

Хахай (23.07 – 23.08)

Ис санааҥ намтыан, туохтан эрэ астыммат турук киириэн сөп. Былыргы кыһалҕалар саҥаттан күөрэйэн тахсыахтарын сөп. Соҕотох сылдьан, бэйэҕин кытта кэпсэтэн, санааҕын сааһылыырга табыгастаах күн. Партнеруҥ эбэтэр доҕотторуҥ бүгүн үөрүү-көтүү аргыстаах буоланнар, эн санааҕын көтөҕүөхтэрэ. Бэйэҕин аһары буруйданыма, чугас дьонуҥ өйөбүллэригэр бигэн.

Кыыс (24.08 – 23.09)

Бүгүн доҕотторгун кытта сыһыаҥҥа өйдөспөт буолуу тахсыан сөп. Түмсүүлээх бырайыактар тохтуохтарын сөп. Биир санаалаахтаргын кытта уопсай тыл буларгар уустуктардаах буолуо. Ол оннугар, үлэҕэр-хамнаскар, доруобуйаҕар болҕомтоҕун уур. Күннээҕи түбүккүн сааһылааһын уоскутуо. Улахан түмсүүлэртэн туттун, күннээҕи дьыалаҕынан дьарыктан.

Ыйааһын (24.09 – 23.10)

Үлэҕэр, карьераҕар уустуктар үөскүөхтэрин сөп. Салайааччылары кытта кэпсэтии уустуктук барыа. Эппиэтинэс сүгэриҥ элбиэ. Ол эрээри, айар дьоҕуруҥ, таптыыр дьыалаҥ бу ыарахаттары аһарарга көмөлөһүө. Сөбүлүүр дьарыгыҥ, оҕолоруҥ эйиэхэ үөрүүнү бэлэхтиэхтэрэ.  Үлэҕин тулуй, сынньалаҥҥар айар куккун арый.

Скорпион (24.10 – 22.11)

Бүгүн эйиэхэ барыта кыараҕас, хааччахтаммыт курдук көстүө. Билии-көрүү аартыга сабыллыбыт курдук сананыаҥ. Ыраах айантан туттун. Ол оннугар, дьиэҕэр-уоккар болҕомтоҕун уур. Дьиэ кэргэниҥ сылаас сыһыана, аймахтарыҥ өйөбүллэрэ бүгүҥҥү күҥҥэ эйиэхэ сүрүн тирэх буолуо.  Аан дойдуну өрүкүйүмэ, чугас дьонуҥ аттыгар уоскуйууну бул.

Охчут (23.11 – 21.12)

Үп-харчы эбэтэр иэс боппуруоһа сытыырхайыан сөп. Чугас киһигин кытта үп-харчы нөҥүө мөккүөр тахсыан сөп. Улаханы атыылаһыма, кирэдьииккэ кииримэ . Ол оннугар, кылгас айаҥҥа таҕыс, аймахтаргын кытта кэпсэт, саҥа сонуну бил. Билсии-көрсүү кэҥиирэ санааҕын көтөҕүө.  Харчыга сэрэн, чугастааҕы сырыыларга, кэпсэтиилэргэ тус бириэмэтэ анаа.

Чубуку (22.12 – 20.01)

Бүгүн партнергун эбэтэр доҕотторгун кытта сыһыаҥҥа күүрүүлээх буолуо. Ким эрэ эн көҥүлгүн хааччахтыыр курдук сананыаҥ. Утарылаһыы, мөккүөр күүһүрүөн сөп. Ол оннугар, үпкүн-харчыгын сааһылаа, баайгын-дуолгун ааҕын. Материальнай туруккун бөҕөргөтүү эрэллээх буоларгар көмөлөһүө.  Мөккүөртэн туора туттуна сатаа, баайгын-дуолгун бэрээдэктээ.

Күрүлгэн (21.01 – 18.02)

Бүгүн доруобуйаҕар болҕомтолоох буол. Күүһүҥ-уоҕуҥ мөлтүөн, тугу да баҕарбат курдук турук киириэн сөп. Күннээҕи түбүктэр эйигиттэн элбэх күүһү эрэйиэхтэрэ. Ол эрээри, Ый эн бэлиэҕэр киирэн, күүс-көмө буолуо. Эн санааҕын дьон ылыныа, бэйэҕин көрдөрөргө кыах үөскүө.  Доруобуйаҕын манаа, ол эрээри бэйэҕэр эрэллээх буолуугун сүтэримэ.

Балыктар (19.02 – 20.03)

Тапталга эбэтэр айар үлэҕэ туох эрэ мэһэйдиир курдук буолуо. Үөрүү-көтүү аҕыйах. Оҕолору кытта уопсай тыл буларга уустуктардаах буолуон сөп. Ол оннугар, соҕотох сылдьан, ис туруккун иһиллииргин ордор. Бүгүн интуицияҥ, ис сэһэргиир куолаһыҥ күүһүрүө, кинилэргэ итэҕэй. Ис эйгэҕэр киирэн уоскуйууну бул.