Күнү кытта биир долгуҥҥа: RTRS сааскы дьайыы телекөрөөччүгэ мэһэйдээбэккэ ааһарын ситиһиэ

Саха сиригэр олунньу 21 күнүттэн кулун тутар 15 күнүгэр диэри сааскы күн дьайыытынан тэлэбиисэр үлэтигэр кылгас мэһэйдэр үөскүөхтэрин сөп.

Сылга иккитэ, саас уонна күһүн, Күн экваторы туоруур. Экватор үрдүнэн геостационарнай орбитаҕа үлэлиир сибээс аргыстара бааллар. Күн күүстээх сардаҥата аргыстан кэлэр тэлэбиидэнньэ сигналыгар мэһэйдэһэн мөлтөтүөн сөп. РТРС бастыҥ сыыппаралаах технологиялара мэһэй дьайыытын кыччатан, үгүс көрөөччү итини билбэккэ да хаалар.

Саха сиригэр тэлэбиидэнньэ көстүүтүгэр күн дьайыыта сабыдыллыан сөп кэмнэрэ ртрс.рф саайтка “Временные отключения телерадиоканалов” салааҕа уонна тэлэбиисэринэн көрөөччү кэбиниэтигэр (“Работа объектов вещания), “Телегид” (“Вещание) мобильнай сыһыарыытыгар тахсыбыттара.

Сыыппаралаах эфирнэй тэлэбиидэнньэ боппуруостарынан РТРС суһал лиинийэтин төлөпүөнэ: 8-800-220-20-02. Арассыыйа хайа баҕарар сириттэн босхо эрийэҕин.