Кырачааннар олоҥхону уруһуйунан көрдөрдүлэр

Бүгүн, Олоҥхо күнүгэр, Өлүөхүмэ улууһун Малдьаҕар начаалынай оскуолатыгар  Олоҥхо күнүгэр аналлаах уруһуй куонкуруһа буолла.

Үөрэнээччилэр саха норуотун баай култууратын уонна үгэстэрин  көрдөрөр дьикти уруһуйдары оҥорон үөртүлэр. Тэрийээччи Матрена Афанасьевна Лаврушкина хас биирдии  уруһуй чаҕылхай кырааскалаах уонна дириҥ ис хоһоонноох ускуустуба айымньытыгар тэҥнээһин үөрэ-көтө бэлиэтээтэ.

Онон, куонкурус оҕолор омук култууратын харыстааһыҥҥа уонна киэҥ эйгэҕэ билиһиннэриигэ айар үлэлэринэн көхтөөхтүк кыттан, бэйэлэрин талааннарын сэгэтэн көрдөрдүлэр.

Кыттааччылар: Стасик Габышев – 1-кы, Мичил Жирков – 2-с, Аэлита Нутчина – 3-с миэстэлэри уонна Роберт Максимов көрөөччүлэр биһирэбиллэрин ылан үөрдүлэр-көттүлэр.