2023 сыл тохсунньу 1 күнүттэн дойдуга барытыгар, ол иһигэр Саха сиригэр, киэҥ хабааннаах неонатальнай скрининг бырагыраамата үлэлиэҕэ. Өскөтүн урут саҥа төрөөбүт кырачааннары утумунан бэриллэр 5 ыарыыга бэрэбиэркэлиир буоллахтарына, быйылгыттан ыла 36 нозологияҕа тест эбилиннэ.
Онуоха наадалаах уларыйыылары “Доруобуйа харыстабылын сайдыыта” судаарыстыбаннай бырагыраамаҕа киллэрдилэр, ону РФ бырабыыталыстабата бигэргэттэ.
Эрэгийиэннэр икки ардыларынааҕы лабораторияларга ыытыллар скрининнэр түмүктэринэн, утумунан бэриллэр ыарыы куттала быһаарыллар. Түмүк “+” буоллаҕына, Москваҕа Бочков аатынан мэдиссиинэ-генетика научнай киинигэр эбии бигэргэтэр чинчийии оҥоһуллар. Неонатальнай скрининг икки төгүллээх бэрэбиэркэтэ түмүк кырдьыктаах буоларын хааччыйар.
«Кырачааннарга неонатальнай скринины оҥоруу ыарыыны кэмигэр быһаарарга, эмтээһини саҕалыырга уонна төрүөҕүттэн эбэтэр утумунан бэриллэр ыарыылаах оҕолору диспансерга кэтээн көрөргө наадалаах. Бу кырачааннар олохторун хаачыстыбатын үрдэтэр, оҕо инбэлииккэ тахсарын уонна өлүү ахсаанын аҕыйатар”, — диэн СӨ доруобуйа харыстабылын миниистирэ Лена Афанасьева быһаарда.
Эрдэ чинчийии ыарахан ыарыыны саҥа саҕалананан эрдэҕинэ буларга уонна оҕолорго наадалаах көмөнү суһаллык оҥорорго көмөлөһөр.
А.Сорокин хаартыската (СИА)
“ТехДни 3.0: вектор инноваций” үөрэтэр интенсив “Школа21” бырагыраамаҕа үөрэтии оскуолатыгар сэтинньи 13 күнүгэр ыытыллыаҕа. Онно…
Норуот сомоҕолоһуутун күнүн чэрчитинэн бүгүн Дьокуускайга “Эйэ туһугар норуоттар сомоҕолоһуулара” Ыччат пуорума саҕаланар, диэн Тас…
СӨ борокуратууратын сорудаҕынан, Уус-Алдан улууһун борокуратуурата элбэх оҕолоох ыаллар өйөбүл миэрэлэрин ылар бырааптара тутуһуллуутун бэрэбиэркэлээтэ.…
Собону бултааһын быраабылатын билэҕит дуо диэн ыйыттахха үгүс киһи: “Хайдах билиэхпит суоҕай!”, – диир соһуйбуттуу.…
Кыһыҥҥы ыйбытыгар үктэннибит. Былыр өбүгэлэрбит айылҕаҕа чугас буолан, күнү-дьылы кэтээн көрүүлэрэ күүстээҕэ, олоҕу кытары ситимнээҕэ.…
Горнай улууһа байыаннай дьайыы кыттыылаахтарын уонна кинилэр дьиэ кэргэттэрин өйөөһүҥҥэ өрөспүүбүлүкэ бастыҥ оройуоннарыттан биирдэстэрэ буолар.…